बिहीबार, ५ जेठ, २०७९
Thursday, 19 May, 2022

ह्वावेको ग्लोबल एनालिस्ट शिखर सम्मेलन सुरू, भविष्यका लागि ग्रीनर इन्टेलिजेन्ट आविष्कार गर्ने

ह्वावेले गत अप्रिल २६ देखि १९औं वार्षिक ग्लोबल एनालिस्ट शिखर सम्मेलन सुरू गरेको छ । ह्वावेले भविष्यको उद्योग प्रवृत्ति र ह्वावेको विकास रणनीति जान्न चीनको शेन्जेनमा सुरू भएको हाइब्रिड कार्यक्रम आयोजना गरेको हो ।

कार्यक्रममा ह्वावेका रोटेटिंग अध्यक्ष केन हुले इनोभेसन र ग्रीनर इन्टेलिजेन्ट संसारको निर्माण गर्न ह्वावेको दृष्टिकोणको बारेमा दुई शब्द राखे । ‘हामी इनोभेसनको लागि हाम्रो दृष्टिकोणलाई बलियो बनाउनेछौं, सबै उद्योगहरूलाई डिजिटल र इन्टेलिजेन्ट बनाउन सुसज्जित गर्नेछौं र लो–कार्बन विश्व निर्माण गर्न मद्दत गर्नेछौं,’ हुले भने, ‘यी हाम्रो कम्पनीको भावी विकासको लागि महत्वपूर्ण छन् ।’

कनेक्टिभिटीको सन्दर्भमा ह्वावे उद्योगलाई अगाडि बढाउन जारी राख्ने बताइएको छ । कम्पनीले जताततै फाईभ जी कनेक्टिभिटी संरचना निर्माण गर्ने बताएको छ ।

‘अब अर्को विकास वायरलेस र फिक्स्डनेटवर्कहरूमा हुनेछ’, अध्यक्ष केनले भने, ‘एकैसाथ, यसले घरहरूमा थप इमर्सिभ अनुभवका साथै औद्योगिक नियन्त्रण परिदृश्यहरूको लागि लो ल्याटेन्सि र हाई रिलाएबिलिटी समावेश गरी फराकिलो दायराको निस नेटवर्क आवश्यकताहरूलाई समर्थन गर्दछ ।’

कम्प्युटिङको सन्दर्भमा ह्वावेले सिस्टम पर्फर्मेन्स र ऊर्जा दक्षतालाई उल्लेखनीयरूपमा वृद्धि गर्ने प्रयासमा इन्डिभिजुअल नोडहरू, आधारभूत सफ्टवेयर र डाटा केन्द्रहरूका लागि प्रणाली आर्किटेक्चरहरूलाई पुनः परिभाषित गर्दैछ ।

क्लाउड सेवाहरूमा ह्वावेले मेटास्टुडियो निर्माण गरिरहेको छ जुन एक क्लाउड–आधारित एन्ड–टु–एन्ड डिजिटल कन्टेन्ट पाइपलाइन हो । जसले डिजिटल कन्टेन्ट उत्पादनलाई धेरै छरितो गर्नेछ ।

यस्तै, उपकरणहरूको सन्दर्भमा ह्वावेले उपभोक्ताहरूलाई उनीहरूको जीवनका सबै पक्षहरूमा प्रयोगकर्ता–केन्द्रित इन्टेलिजेन्ट अनुभव प्रदान गर्ने लक्ष्य राखेको छ । जसलाई कम्पनीले सिमलेस आर्टिफिसियल इन्टेलिजेन्स (एआई) लाइफ अनुभव भन्छन् ।
 

सम्बन्धित समाचार