मंगलबार, ९ कार्तिक, २०७८
Tuesday, 26 October, 2021

विजय शाहीलाई गिरफ्तारको माग गर्दै च्याम्पियन्स बुक अफ वर्ल्ड रेकर्डको वेबसाइट ह्याक

विजय शाहीलाई गिरफ्तारको माग गर्दै च्याम्पियन्स बुक अफ वर्ल्ड रेकर्ड्सको वेबसाइट ह्याक गरिएको छ । वर्ल्ड रेकर्डको तथ्यांक राख्दै आएको वेबसाइट च्याम्पियन्स बुक अफ वर्ल्ड रेकर्ड्सको वेबसाइट नेपाली ह्याकरले ह्याक गरेका हुन् । 

पछिल्लो समय विवादमा परेका विजय शाहीलाई गिरफ्तारको माग गर्दै सातान र ब्रम्हा नामक ह्याकरले च्याम्पियन्स बुक अफ वर्ल्ड रेकर्ड्सको वेबसाइट ह्याक गरेका हुन् । सातान र ब्रम्हाले यसअघि विभिन्न नेपाली साइटहरु समेत ह्याक गरेका थिए । 

कालिकोटका विजय शाहीले आफुलाई मेमोरी किङ दावी गर्दै आएका छन् । कालिकोटका विजय शाहीले २०७६ सालमा ‘मेमोरी किङ’ विधामा विश्व रेकर्ड राखेको बताइएको थियो ।  

अमेरिकी मेमोरी मास्टर नेल्सन डेलिसले केही दिन अगाडि आफ्नो युट्युबमा भिडियो राख्दै आफु विजय शाहीबाट ठगिएको बताएका थिए । 

 

सम्बन्धित समाचार