बिहीबार, ५ जेठ, २०७९
Thursday, 19 May, 2022

मोबाइलको स्क्रीन भरी जहाँ टच गरेपनि स्क्रीन लक खोल्न सकिने फोन ल्याउँदै साओमी

साओमीले अल स्क्रीन फिंगरप्रिन्ट स्क्यानरसहितको स्मार्टफोन ल्याउने भएको छ । यसका लागि साओमीले अल स्क्रीन फिंगरप्रिन्ट स्क्यानर प्रविधिको प्याटेन्ट दर्ता गराएको छ । 

यो सुविधा उपलब्ध भएपछि मोबाइलको स्क्रीन भरी जहाँ कहीँ पनि टच गरेर स्क्रीन लक खोल्न सकिने छ । यसले अन्डर डिस्पले फिगंरप्रिन्ट स्कयानरले ल्याउने समस्यालाई न्यूनतम गर्नेछ ।

ह्वावेले पनि यही प्रविधिका लागि सन् २०२० को अगस्तमा प्याटेन्ट प्रस्तावित गरेको थियो । गिजमोचाइनाको रिपोर्ट अनुसार साओमीले भने जानवरी ४ मा चिनियाँ राष्ट्रिय प्याटेन्ट डेटाबेसमा प्याटेन्ट दस्तुर गरेको थियो । यो प्रविधि इन्फ्रारेड एलईडी ट्रान्समिटर र रिसिभरको मद्दतले काम गर्ने गर्दछ ।

यसैको माध्यमले डेटा प्रोसेस गरिन्छ र डेटा मेल खाएमा डिभाइस अनलक हुने गर्दछ । यस प्रविधिमा तपाईले औँला राखेको भागमा बत्ति पनि बल्ने गर्दछ । यो प्रविधि चाँडै सओमीको फ्ल्यागशीपमा उपलब्ध हुनेछ । 

 

 

सम्बन्धित समाचार