शनिबार, ८ माघ, २०७८
Saturday, 22 January, 2022

नमस्ते पेमा अब कामना सेवा विकास बैंकबाट पैसा लोड गर्न सकिने

डिजिटल वालेट नमस्ते पेमा अब कामना सेवा विकास बैंकबाट पैसा राख्न सकिने भएको छ । यसका लागि नमस्ते पे र बैंकबीच सम्झौता भएको छ । 

उक्त सम्झौता पत्रमा नमस्ते पेका प्रमुख कार्यकारी अधिकृत कृष्ण प्रसाद भण्डारी र कामना सेवा विकास बैंकका प्रमुख कार्यकारी अधिकृत प्रविण बस्नेतले हस्ताक्षर गरेका हुन् । 

बैंकबाट नमस्ते पेमा रकम लोड गरी विभिन्न भुक्तानी गर्न सकिने छ । नमस्ते पे नेपाल टेलिकम र राष्ट्रिय वाणिज्य बैंकको सयुक्त लगानीमा स्थापना भएको छ । 

अनलाइन र अफलाइनमा नमस्ते पे प्रयोग गर्न सकिन्छ । प्ले स्टोरबाट नमस्ते डाउनलोड गरेर प्रयोग गर्न सकिन्छ भने *५००# डायल गरेर फिचर फोनमा पनि प्रयोग गर्न सकिन्छ ।   


 

सम्बन्धित समाचार