प्रोफेसनल ध्वनिको नयाँ अनुभव : सेनहाइजरको नयाँ हेडफोन किन विशेष ?

काठमाडौं । सेनहाइजरले अडियो प्रोफेसनलका लागि HD 480 Pro हेडफोन सार्वजनिक गरेको छ । यो HD 490 Pro को क्लोज्ड-ब्याक संस्करण हो र स्टुडियो तथा लाइभ प्रयोगका लागि रेकर्डिङ, मोनिटरिङ र मिक्सिङमा उपयोगी हुने कम्पनीले जनाएको छ ।

सेनहाइजरको HD 480 Pro हेडफोन लामो समय प्रयोग गर्दा हुने असहजता र बास ध्वनिको सही पुनरुत्पादन सम्बन्धी समस्या समाधान गर्न डिजाइन गरिएको हो । कम्पनीले “Vibration Attenuation System” प्रयोग गरेको छ, जसले ध्वनि विकृति र रिफ्लेक्सन कम गर्छ । साथै, केबल दायाँ वा बायाँ दुबै तर्फ जडान गर्न मिल्ने बनाइएको छ ।

HD 480 Pro हेडफोनले आरामदायी प्रयोगका लागि HD 490 Pro जस्तै विशेष फिटिङ डिजाइन प्रयोग गरेको छ । यसमा चस्मा लगाउने प्रयोगकर्ताका लागि टेम्पल (कानको छेउ) मा कुशन गरिएको प्याड राखिएको छ, जुन टाउकोको आकारमा पनि समान दबाब पर्ने डिजाइन गरिएको छ ।

HD 480 Pro हेडफोनको मूल्य ४७९ अमेरिकी डलर तोकिएको छ । यससँग रेकर्डिङ इयरप्याड, ९ फिट लामो कोइल्ड केबल र क्यारिङ ब्याग पनि उपलब्ध हुन्छ । साथै, ट्राभल केस छुट्टै १५ डलरमा खरिद गर्न सकिन्छ ।