राष्ट्रिय साइबर सुरक्षा केन्द्रले सरकारी कार्यालयका सूचना प्रविधि प्रणालीहरूलाई सुरक्षित बनाउन एड्भाइजरी जारी गरेको छ । 

पछिल्लो समय सरकारी प्रणालीहरूमा साइबर आक्रमणका घटना बढ्दै गएपछि केन्द्रले ८ पेजको एभाइजरी जारी गरेको हो । 

केन्द्रले सरकारी कार्यालयलाई वेबसाइट, एप्लिकेसन, सर्भर, स्टोरेज, नेटवर्क सुरक्षा, डेक्स्टप, ल्यापटप, प्रिन्टर पासवर्ड व्यवस्थापन, इन्टरनेट ब्राउजिङ, इमेल तथा फिसिङ अट्याक, रिमुभेबल मिडिया, सामाजिक सञ्जाल र मोबाइल सुरक्षा सम्बन्धि एडभाइजरी जारी गरेको छ । 

एड्भाइजरी अनुसार सूचना प्रविधि प्रणाली अपडेट गर्ने र समयानुकूल सुरक्षित फ्रेमवर्क व्यवस्थापन गर्ने, सेक्युरिटी अडिट गर्ने, जेनियुन लाइसेन्स भएका हार्डवेयर तथा सफ्टवेयहरू मात्र प्रयोग गर्ने व्यवस्था मिलाउनु पर्नेछ । 

डेटाको नियमति ब्याकअप राख्ने, बिजनेस कन्टिन्युटी प्लान तयार गर्न, सोर्स कोड अध्यावधिक गर्न, वेबसाइटमा र एप्लिकेसनमा अनिवार्य एसएसएल इन्स्टल गर्न, आईपी क्यामेरासहितको सर्भिलेन्स प्रणाली जडान गर्न, पाइरेटेड सेफ्टवेयर तथा एप्लिकेसन प्रयोग नगर्न केन्द्रले भनेको छ । 

यस्तै पासवर्ड सुरक्षासम्बन्धि एड्भाइजरीमा प्रत्येक ३-३ महिनामा पासवर्ड परिवर्तन गर्न, मिश्रित क्यारेक्टतसहितको सहजै अनुमान गर्न नसकिने पासवर्ड राख्ने, मल्टी फ्याक्टर अथेन्टिकेसन राख्न, एउटै पासवर्ड धेरै ठाउँमा प्रयोग नगर्न पनि एड्भाइजरीमा भनिएको छ । 

यस बाहेक पाइरेटेड कन्टेन्ट डाउनलोड नगर्न, अपरिचित व्यक्तिबाट आएको इमेल नखोल्न, महत्त्वपूर्ण इमेल पब्लिक वाईफाईबाट नखोल्न, एन्टिभाइरस प्रयोग गर्न, सरकारी इमेल सामाजिक सञ्जालमा शेयर नगर्न, गूगल प्ले स्टोर र एप स्टोरबाट मात्रै एप डाउनलोड गर्न लगायतका सुझाव दिएको छ । 

यस्तो छ एड्भाइजरी