आईसीटी समाचार
काठमाडौं । एआई भ्वाइस डिक्टेशन टूलहरू हाम्रो लेख्ने तरिकालाई तीव्र गतिमा परिवर्तन गरिरहेका छन् । अब किबोर्डको आवश्यकता कम हुँदै गएको छ । तपाईं केवल बोल्नुहुन्छ, र एआईले त्यसलाई सफा, व्यवस्थित र पढ्न लायक टेक्स्टमा बदलिदिन्छ । यी एआई डिक्टेशन टूलहरूले केवल शब्दहरू मात्र पहिचान गर्दैनन्, भावनाहरू पनि बुझ्छन् । क्लिभरट्यापका अनुसार, ४० प्रतिशत स्मार्टफोन प्रयोगकर्ताहरू अब सन्देश वा सामाग्री बनाउनका लागि भ्वाइस इनपुट प्रयोग गरिरहेका छन् । अर्थात्, यो केवल एउटा सुविधा मात्र होइन, प्रयोगकर्ताको व्यवहारमा आएको ठूलो परिवर्तन हो ।
भ्वाइस टाइपिङ Vs एआई टूल: एआईले कुराकानीलाई नोट्समा बदल्छ
पहिले भ्वाइस टाइपिङको अर्थ थियो- तपाईंले जे बोल्नुभयो, त्यही टेक्स्टमा आउँथ्यो । अब एआई डिक्टेशन टूलहरूले त्यो टेक्स्टलाई सम्पादन गर्छन् । अर्थात्, यी एक प्रकारले तपाईंका सहलेखकजस्तै बनिदिन्छन् । यी एपहरूले अपूरा वाक्यहरू पूरा गर्छन्, गलत वा छरिएको भाषालाई सुधार्छन् र भाषाको टोन पनि मिलाउँछन् । साथै, यी सामान्य कुराकानीलाई नोट्स, मेल वा आर्टिकल्समा पनि बदल्न सक्छन् ।
डिक्टेशनको दौडमा यी एपहरू अगाडि छन्:
विस्पर फ्लो: यो फोनमा किबोर्डको साटो काम गर्छ र लगभग हरेक एपमा प्रयोग गर्न सकिन्छ । यसले प्रति मिनेट १७९ शब्दसम्म टाइप गर्न सक्छ र हिन्दीसहित १०० भन्दा बढी भाषाहरू बुझ्छ । यसको फ्री भर्सनमा फोनमा हरेक हप्ता १ हजार शब्द पाइन्छ ।
गुगल एआई एज इलोक्वेन्ट (आइओएस): यो अफलाइन पनि काम गर्छ, जसको अर्थ आवाज डिभाइसमै प्रोसेस हुन्छ र क्लाउडमा जाँदैन । यसले नोट्सलाई बुँदागत रूपमा बदलिदिन्छ, यद्यपि हाल यो सीधै अन्य एपहरूभित्र काम गर्दैन । यो पूर्ण रूपमा निःशुल्क छ ।
ओटर एआई: यो मिटिङ, अन्तर्वार्ता र लेक्चरहरूका लागि सबैभन्दा बढी प्रयोग हुने टूलहरू मध्ये एक हो । यसले मिटिङका सबै स्पिकरहरू पहिचान गर्छ, अटोमेटिक समरी बनाउँछ र आवश्यक बुँदाहरूलाई हाइलाइट गर्छ ।
मोनोलग: यसले स्क्रिनमा चलिरहेका कुराहरूलाई पनि बुझ्छ । यदि तपाईं कोड लेख्दै हुनुहुन्छ भने, यसले त्यसको कन्टेक्स्ट समात्न सक्छ र त्यसअनुसार भाषा बदल्न सक्छ । यो अफलाइन पनि काम गर्छ ।
एप प्रयोग गर्न यस्ता परमिसन दिनुपर्छ:
धेरैजसो डिक्टेशन एपहरूलाई यी परमिसनहरूको आवश्यकता हुन्छः
- माइक्रोफोन एक्सेस
- अन्य एपहरूमाथि प्रदर्शन गर्ने अनुमति
- एक्सेसिबिलिटी सेटिङ्स
ओटर एआईलाई मिटिङ क्याप्चर गर्नका लागि स्क्रिन रेकर्ड गर्ने अनुमति पनि चाहिन्छ ।
एआई डिक्टेशन टूल्सका यी चुनौतीहरू पनि छन्:
- प्राइभेसी: तपाईंको आवाज र डेटा कहाँ गइरहेको छ भन्ने कुरा धेरै टूलहरूले स्पष्ट रूपमा बताउँदैनन् ।
- एक्युरेसी: स्थानीय र मिक्स्ड-लैंग्वेज वातावरणमा अझै सुधारको आवश्यकता छ ।
- इन्टरनेट: धेरै टूलहरू चलाउन हाई-स्पीड इन्टरनेट चाहिन्छ ।
