आईसीटी समाचार
काठमाडौं । नेपाल सरकारले मन्त्रिपरिषद्को २०८३ असोज २१ गतेको निर्णयअनुसार ११ जना सहसचिवहरूको सरुवा तथा जिम्मेवारी हेरफेर गरेको छ । संघीय मामिला तथा सामान्य प्रशासन मन्त्रालयले सार्वजनिक गरेको विवरणअनुसार विभिन्न मन्त्रालय तथा निकायहरूबीच सहसचिवहरूको जिम्मेवारी परिवर्तन गरिएको हो ।
सरुवा भएका सहसचिवहरू
मन्त्रिपरिषद्को निर्णयअनुसार सहसचिवहरूको सरुवा तथा जिम्मेवारी हेरफेर गरिएको छ । यसअनुसार मुकेश रेग्मीलाई प्रधानमन्त्री तथा मन्त्रिपरिषद्को कार्यालयबाट विद्युतीय सुशासन आयोगमा सरुवा गरिएको छ भने आदेश खड्कालाई सञ्चार तथा सूचना प्रविधि मन्त्रालयबाट प्रधानमन्त्री तथा मन्त्रिपरिषद्को कार्यालयमा ल्याइएको छ ।
त्यस्तै, श्री चन्द्र शाहलाई सञ्चार मन्त्रालयबाट अर्थ मन्त्रालयमा सरुवा गरिएको छ भने अनिल कुमार दत्तलाई प्रधानमन्त्री कार्यालयबाट सञ्चार तथा सूचना प्रविधि मन्त्रालयमा पठाइएको छ ।
राम दत्त भट्टलाई अर्थ मन्त्रालयबाट सञ्चार तथा सूचना प्रविधि मन्त्रालयमा सरुवा गरिएको छ भने रमेश न्यौपानेलाई मुस्लिम आयोगबाट राष्ट्रिय सूचना आयोगमा ल्याइएको छ ।
साथै, सन्तोष कुमार दाहाललाई संघीय मामिला तथा सामान्य प्रशासन मन्त्रालयबाट राष्ट्रपतिको कार्यालयमा सरुवा गरिएको छ भने राम कृष्ण पुडासैनीलाई अख्तियार दुरुपयोग अनुसन्धान आयोगबाट अर्थ मन्त्रालयमा पठाइएको छ ।
त्यसैगरी, कृष्ण कुमारी श्रेष्ठलाई अर्थ मन्त्रालयबाट उद्योग, वाणिज्य तथा आपूर्ति मन्त्रालयमा सरुवा गरिएको छ भने नवराज घिमिरेलाई गृह मन्त्रालयबाट मुस्लिम आयोगमा ल्याइएको छ ।
यस्तै, रमेश ढकाललाई संघीय मामिला मन्त्रालयबाट शिक्षा, विज्ञान तथा प्रविधि मन्त्रालयमा सरुवा गरिएको छ ।
