आईसीटी समाचार
काठमाडौं । ह्वाट्सएपमा प्रयोगकर्ताहरूको सुरक्षाका लागि च्याट लक (Chat Lock) फिचर उपलब्ध छ । यदि तपाईं आफ्ना केही व्यक्तिगत कुराकानीहरू अरूले नदेखाउन चाहनुहुन्छ भने, यो फिचरको प्रयोग गरी च्याटलाई मुख्य सूचीबाट हटाएर छुट्टै सुरक्षित फोल्डरमा राख्न सक्नुहुन्छ ।
यो फिचर एक्टिभ गरेपछि उक्त च्याट खोल्नका लागि फोनको फिङ्गरप्रिन्ट, फेस लक वा छुट्टै गोप्य कोडको आवश्यकता पर्दछ । यसले गर्दा अरू कसैले तपाईंको फोन चलाए पनि ती च्याटहरू पूर्ण रूपमा सुरक्षित र गोप्य रहन्छन् ।
तपाईंले कुनै पनि व्यक्तिगत वा ग्रुप च्याट (म्युट गरिएका च्याटहरू समेत) मा च्याट लक अन वा अफ गर्न सक्नुहुन्छ । यदि तपाईंको फोनमा टू-स्टेप भेरिफिकेसन अन छैन भने, च्याट लक गर्नुअघि तपाईंलाई यो फिचर अन गर्न भनिनेछ ।
- च्याटमा राइट-क्लिक गर्नुहोस् ।
- लक च्याट वा अनलकमा क्लिक गर्नुहोस् ।
- तपाईंले च्याट लक अन गर्दा अन्य मानिसहरूलाई नोटिफिकेसन पठाइने छैन ।
- वेबमा लक गरिएको च्याट खोल्नका लागि तपाईंले पहिले आफ्नो डिभाइसमा गोप्य कोड बनाउनु पर्छ ।
नोट : लक गरिएको च्याटमा रहेका सम्पर्कहरूबाट आउने कलहरू ब्लक गर्न सकिँदैन । यदि तपाईंले नयाँ फोनमा ह्वाट्सएप ब्याकअप र रिस्टोर गर्नुभयो भने पनि तपाईंका लक गरिएका च्याटहरू लक नै रहनेछन् । आफ्ना लक गरिएका च्याटहरू हेर्नका लागि तपाईंले पहिले डिभाइस प्रमाणीकरण (Device Verification) सेटअप गर्नुपर्नेछ ।
गोप्य कोड कसरी बनाउने ?
तपाईंले एउटा गोप्य कोड प्रयोग गरेर आफ्ना च्याटहरू लक गर्न सक्नुहुन्छ । यो कोड तपाईंको फोन अनलक गर्ने पासकोडभन्दा फरक हुनेछ । तपाईंले एन्ड्रोइड वा आइफोनमा आफ्नो छुट्टै गोप्य कोड बनाउनु पर्नेछ ।
गोप्य कोडद्वारा लक गरिएका च्याटहरू हेर्नका लागि
- लक गरिएको च्याटमा क्लिक गर्नुहोस् ।
- आफ्नो गोप्य कोड राख्नुहोस् ।
- कन्टिन्यु (Continue) मा क्लिक गर्नुहोस् ।
लक गरिएका च्याटहरू कसरी हेर्ने र लुकाउने ?
लक गरिएका च्याटहरू हेर्नका लागि च्याट लक अनलक गर्नुहोस् (दुई लाइन टेक्स्ट र खुल्ला ताला चिन्ह भएको म्यासेज बक्स) र त्यसमा क्लिक गर्नुहोस् । तपाईंले आफ्नो लक गरिएको च्याट फोल्डरलाई लुकाउन पनि सक्नुहुन्छ, जसले गर्दा यो फोल्डर तपाईंले गोप्य कोड हालेपछि मात्र देखिनेछ ।
