नाइमा मोबिलिटी एक्स्पोमा ईभी ‘आर्कफक्स टी१’ सार्वजनिक

काठमाडौं । ‘नाइमा मोबिलिटी एक्स्पो २०२६’ को पाँचौँ दिन बहुप्रतीक्षित प्रिमियम फेमिली क्रसओभर ईभी ‘आर्कफक्स टी१’ (ARCFOX T1) नेपाली बजारमा औपचारिक रूपमा सार्वजनिक भएको छ । यो ईभीमा नेपालका सहरी सडक तथा विविध ड्राइभिङ अवस्थालाई सुहाउने इन्टेलिजेन्ट प्रविधि, आरामदायी क्याबिन र व्यावहारिक कार्यक्षमताको उत्कृष्ट संयोजन रहेको छ ।

ARCFOX T1 को मुख्य विशेषता अटोमेटिक पार्किङ असिस्टेन्स सिस्टम हो, जसले समानान्तर र ठाडो पार्किङ गर्नका साथै सुरक्षित रूपमा बाहिर निकाल्न मद्दत गर्छ । ३६० डिग्री अराउन्ड भ्यू मोनिटर, न्यारो रोड असिस्टेन्स, रिभर्स पाथ ट्रेस तथा अगाडि र पछाडिका पार्किङ सेन्सरले काठमाडौंका साँघुरा सडक र सीमित पार्किङ क्षेत्रमा चालकलाई थप सहजता प्रदान गर्छन् ।

T1 मा ७० किलोवाटको विद्युतीय मोटर जडान गरिएको छ, जसले १७० एनएम टर्क उत्पादन गर्छ । यसमा रहेको ४२.३ किलोवाट आवर क्षमताको CALB लिथियम आइरन फस्फेट ब्याट्रीले एकपटकको पूर्ण चार्जमा ३१० किलोमिटरसम्मको WLTP रेन्ज दिन्छ । डीसी फास्ट चार्जरबाट करिब २५ मिनेटमै ब्याट्री ३० देखि ८० प्रतिशतसम्म चार्ज गर्न सकिन्छ ।

१८१ एमएमको उत्कृष्ट ग्राउन्ड क्लियरेन्स भएकाले यो गाडी नेपालका स्पिड ब्रेकर तथा असमान सडकका लागि उपयुक्त छ । यसमा इको, स्पोर्ट, कम्फर्ट र पर्सनलाइज्ड गरी चार ड्राइभिङ मोडहरू छन् । सुरक्षाका लागि लेभल २ एड्भान्स्ड ड्राइभर असिस्टेन्स सिस्टम (ADAS) र १ हजार ५ सय मेगापास्कल क्षमताको उच्च शक्ति युक्त स्टिल प्रयोग गरिएको छ ।

T1 मा २ हजार ७ सय ५० एमएमको ह्विलबेस, १५.६ इन्चको इन्फोटेनमेन्ट स्क्रिन, डुअल-जोन भ्वाइस रिकग्निसन र तातो-चिसो बनाउन मिल्ने अगाडिका सिटहरू उपलब्ध छन् । पछाडिका सिट २८ डिग्रीसम्म ढल्काउन सकिन्छ भने सिट फोल्ड गर्दा १ हजार ३ सय ५२ लिटरसम्मको लगेज क्षमता प्राप्त हुन्छ ।

उन्नत प्रविधि, सुरक्षा र प्रिमियम आरामको उत्कृष्ट संगम ARCFOX T1 अहिले नाइमा मोबिलिटी एक्स्पो २०२६ मा सर्वसाधारणका लागि प्रदर्शनमा राखिएको छ ।