आईसीटी समाचार
काठमाडौं । इन्टरनेट सेवा प्रदायक कम्पनी क्लासिक टेकले साना तथा मझौला व्यवसाय र स्टार्टअपलाई लक्षित गर्दै ‘एसएमई प्रो म्याक्स’ इन्टरनेट प्याकेज सार्वजनिक गरेको छ ।
कम्पनीका अनुसार पाँच वर्षभित्र स्थापना भएका स्टार्टअपले यो प्याकेजमा १ जीबीपीएस इन्टरनेट, १ टेराबाइट डाटा र सार्वजनिक आईपी सेवामा ४० प्रतिशतसम्म छुट पाउनेछन् ।
प्याकेजअन्तर्गत ग्राहकले वाईफाई ६ राउटर नि:शुल्क पाउने कम्पनीले जनाएको छ । त्यस्तै, इन्टरनेट जडानका लागि सर्वे, इन्स्टलेसन र सेटअप सेवा पनि नि:शुल्क उपलब्ध गराइनेछ ।
नयाँ तथा विस्तारको चरणमा रहेका व्यवसायलाई उच्च गतिको, भरपर्दो र किफायती इन्टरनेट सेवा उपलब्ध गराउने उद्देश्यले प्याकेज ल्याइएको क्लासिक टेकले जनाएको छ ।
कम्पनीका अनुसार एसएमई प्रो म्याक्स प्याकेजबारे थप जानकारी तथा सदस्यताका लागि ९८०२६२२३०३ मा सम्पर्क गर्न वा [email protected] मा इमेल गर्न सकिनेछ । कम्पनीले प्याकेजमा तोकिएका सर्तहरू लागू हुने जनाएको छ ।
