आईसीटी समाचार
एप्पलले हाई प्रोफाइल प्रयोगकर्तालाई साइबर आक्रमणबाट बचाउन लकडाउन मोड सार्वजनिक गर्ने भएको छ । यो फिचर आईओएस १६, आईप्याड ओएस १६ र म्याकओएस भेन्चुरा सार्वजनिक भएसँगै सार्वजनिक हुनेछ ।
पेगासस र अरु समूहहरुबाट हुने आक्रमण एकदमै बढ्दै गएकाले कम्पनीले यस्तो फिचर ल्याएको हो । लकडाउन मोड अन गरेमा कुनै पनि स्पाईवेयरले चाहेर डिभाइसलाई संक्रमित गर्न सक्ने छैनन् ।
यसले डिभाइसको केही फिचरहरु माथि पनि प्रतिबन्ध लगाउनेछ । उदाहरणका लागि मेसेजेजमा ईमेज बाहेकको सबै अट्याचमेन्ट ब्लक हुनेछ । त्यस्तै लिंक प्रिभ्यूहरुलाई पनि बन्द गरिनेछ ।
यो फिचरले तपाईले पहिले कल गरेको वा इन्भाईट नगरेसम्म फेसटाइम समेत गर्न दिदैन् । डिभाइस लक भएको समयमा कम्प्यूटर वा अरु एक्सेसरीसँगको वायरलेस कनेक्सन पनि बन्द हुनेछ ।
कम्पनीले आफ्नो सेक्युरिटी बाउन्टी प्रोग्रामलाई पनि विस्तार गर्ने योजना बनाएको छ । लकडाउन मोडमा समस्या फेला पारेर यस फिचरलाई अझै सुरक्षित बनाउने अन्वेषकलाई कम्पनीले २० लाख डलरसम्मको पुरस्कार पनि दिने सक्ने जनाएको छ ।
