आईसीटी समाचार
इन्स्टाग्रामले क्यापकट जस्तै भिडियो एडिटिङ एप एडिट्सको घोषणा गरेको छ । इन्स्टाग्रामका प्रमुख एडम मोसेरीले एडिट्स नामक भिडियो एडिटिङ एपको घोषणा गरेका हुन् ।
मोसेरीका अनुसार यो एप क्यापकट नामक भिडियो सम्पादन एपसँग प्रतिस्पर्धा गर्न तयार पारिएको हो । एडिट्स अहिले एप स्टोरमा प्री-अर्डरका लागि उपलब्ध रहेको छ ।
‘अहिले धेरै कुरा भइरहेको छ, तर जे भए पनि, सिर्जनाकर्ताहरूलाई उत्कृष्ट उपकरणहरू उपलब्ध गराउनु हाम्रो काम हो,’ मोसेरीले इन्स्टाग्राममा पोस्ट गरिएको भिडियो भनिएको छ ।
‘एडिट्स केवल एउटा भिडियो सम्पादन एप मात्रै होइन, यो सिर्जनात्मक उपकरणहरूको पूर्ण सेट हो । यसमा प्रेरणाका लागि छुट्टै ट्याब हुनेछ, प्रारम्भिक विचारहरू ट्र्याक गर्न अर्को ट्याब हुनेछ । एडिटिङका लागि सबै टुलहरू यसमा हुनेछन् । यदि तपाईं आफ्नो भिडियो इन्स्टाग्राममा साझा गर्न चाहनुहुन्छ भने ड्राफ्ट साथी र अन्य क्रियटरलाई शेयर गर्न सकिने छ,’ उनले एपको बारे भने ।
एपमा लाइभ इन्साइट्स ड्यासबोर्ड, फलोअर र अन फ्लोअर एंगेजमेन्टको विश्लेषण र प्रयोगकर्ताहरूले विशेष भिडियो स्किप गर्ने दरजस्ता मेट्रिक्स समावेश छन् ।
यसले हरियो स्क्रिन र भिडियो ओभरलेजस्ता सम्पादन उपकरणहरू पनि समावेश रहेका छन् । एडिट्स एप मार्च १३ २०२५ देखि उपलब्ध हुनेछ ।
