आईसीटी समाचार
नेपालका लागि टाटा मोटर्सको एक मात्र अधिकारिक वितरक सिप्रदी ट्रेडिङले ‘नाउ अर नेभर ड्राइभ होम टियागो ईभी एट प्रि–बजेट प्राइस’ आयोजना गर्न लागेको छ ।
यस अफर अन्तर्गत नयाँ आर्थिक वर्षको बजेट नीतिका कारण टियागो इभीको मूल्य बढेको भए पनि सीमित स्टक प्रि–बजेट मूल्यमा प्राप्त गर्न सकिनेछ ।
यस्तै आफूले चाहेको स्थानमा नै पुरानो गाडीको मूल्यांकन र टेस्ट ड्राइभको सुविधा रहेको छ । यसका साथै आकर्षक एक्सचेन्ज बोनस, अटोप्लस इन्स्योरेन्स २ वर्षको सवारी कर र एक्सेसरिजहरू रहेका छन् ।
यो योजना जुन २० देखि २२ सम्म नेपालभर रहेका टाटा मोटर्सको सबै सोरूमहरूमा लागु हुनेछ । बजेटमार्फत कर बढेसँगै टियागो इभीको सबै मोडलहरूमा एक लाख रूपैयाँले मूल्य वृद्धि भएको छ । योसँगै टियागो इभी लङ्ग रेञ्जको सुरुवाती मूल्य २७ लाख ४९ हजार कायम हुने छ ।
आगामी आर्थिक वर्षको बजेट नीतिका कारण २ लाख ५० हजारदेखि ३ लाखसम्म मूल्य बढ्ने भए पनि सिप्रदी ट्रेडिङ र टाटा मोटर्सको सहकार्यमा मूल्य धेरै बढ्दा ग्राहकहरूलाई पर्न जाने भारलाई मध्यनजर गर्दै मूल्यमा न्यूनतम वृद्धि गर्न लागिएको कम्पनीले जनाएको छ । तर जुन २० देखि २२ सम्म प्रिबजेट मूल्यमै किन्न सकिने छ ।
