आईसीटी समाचार
सामाजिक सञ्जाल राकुटेन भाइबरले सर्भिस अर्गनाइजेसन कन्ट्रोल (एस.ओ.सी) टु टाइप टु प्रमाणीकरण पाएको छ ।
एसओसी टु अमेरिकन इन्स्टिच्युट अफ सर्टिफाइड पब्लिक अकाउन्ट (AICPA) द्वारा विकसित गरिएको लेखापरीक्षण मानक हो ।
ग्राहक डेटाको सुरक्षा, उपलब्धता, निजत्व र गोपनीयता सुनिश्चित गर्न यसको डिजाइन गरिएको हुन्छ ।
विश्वको सबैभन्दा ठूलो व्यवसायिक सेवा फर्महरूमध्ये एक अर्न्स्ट एन्ड यंगद्वारा सञ्चालित लेखापरीक्षणले राकुटेन भाइबरको सूचना सुरक्षा अभ्यास, नीति, प्रक्रिया र सञ्चालनहरूले एसओसी टु मापदण्डहरू पूरा गरेको जनाएको छ ।
भाइरबका भीपी इन्जिनियरिंग र सीआइएसओ लियाड श्नेलले एसओसी टु टाइप टु प्रमाणीकरण प्राप्त गर्नु राकुटेन भाइबरको लागि महत्त्वपूर्ण कोसेढुङ्गा भएको बताए ।
‘हाम्रा प्रयोगकर्ताहरूको सुरक्षा र गोपनीयता सुनिश्चित गर्न हाम्रो अटल प्रतिबद्धताको प्रमाण हो,’ उनले भने, ‘हामी ग्राहकको डेटाको गोपनीयतामा प्राथमिकता दिने तथा सुरक्षित र भरपर्दो सन्देश प्लेटफर्म प्रदान गर्न प्रयास गर्नेछौं।’
एसओसी टु कम्प्लायन्सको अतिरिक्त राकुटेन भाइबरले आफ्नो पूर्वाधारमा अतिरिक्त तहहरू थपेर र आफ्नो प्लेटफर्मको निगरानी बढाएर धेरै सुधारहरू गरिरहेको छ ।
सन् २०१६ मा भाइबर सबै प्राइभेट वान अन वान ग्रुप च्याट र भिडियो कलहरूमा एण्ड-टु-एण्ड इन्क्रिप्सन लागू गरेको थियो ।
