स्नेहा झा
एटीएम मेसिनहरू बजारमा, सडकहरूमा र यहाँसम्म कि लगभग हरेक स्थानमा जडित हुन्छन्। एटीएमले मानिसहरूलाई जुनसुकै बेला पैसा निकाल्ने सजिलो सुविधा दिन्छन्।
तर के तपाईले कहिले सोच्नुभएको छ, एटीएम लुट्न वा यसलाई तोडेर पैसा लिएर भाग्न किन यति गाह्रो हुन्छ? पैसाले भरिएको एउटा मेसिनलाई यतिकै कसरी छोडिएको हुन्छ ?
यसको सुरक्षा केवल यसको स्ट्रङ मेटल बडीका कारण मात्र होइन, यसमा धेरै स्मार्ट प्रविधिहरू पनि प्रयोग गरिन्छन्, जसले यसलाई चोरीबाट बचाउँछन्। आउनुहोस् यी सुरक्षा घेराहरूबारे जानौं।
मोटो र मजबुत मेटल
सबभन्दा पहिले, एटीएम मेसिनहरू धेरै मोटो र बलियो मेटलबाट बनेका हुन्छन्। तिनलाई हतौडा, कटर वा ड्रिलजस्ता टुलले तोड्न धेरै गाह्रो हुन्छ, जसले चाँडै सबैको ध्यान तान्छ।
अलार्म सिस्टम
एटीएम भित्र अलार्म सिस्टमहरू हुन्छन्। यदि कसैले मेसिन जबरजस्ती तोड्ने वा खोल्ने प्रयास गर्छ भने अलार्म तुरुन्त बज्छ। यी अलार्म नजिकको प्रहरी स्टेसन वा सुरक्षा कम्पनीहरूसँग जोडिएका हुन्छन्, जसले छिटो कारबाही गर्न सक्छन्।
जीपीएस ट्र्याकिङ
अर्को स्मार्ट प्रविधि हो जीपीएस ट्र्याकिङ । धेरै एटीएममा क्यास बक्स भित्र लुकेका जीपीएस उपकरणहरू राखिएका हुन्छन्। यदि चोरले कुनै तरिकाले क्यास बक्स लिएर भागे भने पनि प्रहरीले यसको ठ्याक्कै स्थान ट्र्याक गरेर उनीहरूलाई सजिलै पक्रन सक्छ।
डाइ प्याक्स
एक सुरक्षा फिचर डाइ प्याक्स हो । यी विशेष प्याकेटहरू रङ्गीन इंकले भरिएका हुन्छन्। तिनीहरूलाई क्यास बक्सभित्र राखिन्छ। यदि एटीएम चोरी पत्ता लगाउँछ भने यी प्याक्स आफैँ फुटेर सम्पूर्ण क्यासलाई उज्यालो र स्थायी रङले ढाक्छन्। यसले चोरी गरेको पैसा बेकार बनाइदिन्छ, किनकि रङ्ग परेको नोटहरू अधिकांश ठाउँमा अस्वीकृत हुन्छन्।
क्यामेरा मोनिटरिङ
त्यसैगरी, अधिकाँश एटीएम भित्र र बाहिर क्यामेरा राखिएका हुन्छन्। यी क्यामेराहरू सबै कुरालाई रेकर्ड गर्छन्। चोरले अनुहार लुकाउन खोजेसम्म पनि उनीहरूको गतिविधि र प्रयोग भएका टुलहरू भिडियोमा क्याप्चर हुन्छन्, जुन पछि प्रहरीले प्रयोग गर्न सक्छ। साथै आगो र बाढी जस्ता अवस्थाहरूका लागि आइओटी–बेस्ड मोनिटरिङ (आइओटी–बेस्ड मोनिटरिङ) पनि गरिएको हुन्छ।
बैंकिङ सिस्टमसँग ट्र्याकिङ
यी एटीएमहरू बैंकिङ सिस्टमहरूसँग जडित हुन्छन् जसले बारम्बार गलत पासवर्ड हाल्ने वा लामो समयसम्म छेडछाड जस्ता अनयूजुअल गतिविधिहरू अनुगमन गर्छन्। यदि शंका लाग्ने गतिविधि भेटियो भने मेसिन आफैँ लॉक हुन सक्छ र अधिकृत व्यक्तिले जाँच नगरेसम्म काम बन्द गर्छ।
वाइब्रेशन सेन्सर
केही एड्वान्स्ड एटीएमहरूमा वाइब्रेशन सेन्सर पनि हुन्छन्। यी ड्रिलिङ वा हल्लिनेजस्ता गतिविधि पत्ता लगाउँछन्। यस्तो गतिविधि पाएमा तुरुन्तै अलार्म ट्रिगर गर्छन् र सुरक्षा टिमहरूलाई अलर्ट पठाउँछन्।
अन्य उपायहरू
यी सबैका अतिरिक्त डेटा इन्क्रिप्शन, फेसियल रिकग्निशन, टु-लेवल इन्क्रिप्शन, जीएसएम टेक्नोलोजी आधारित सुरक्षा र स्किमिङ प्रिभेन्सन जस्ता अरू धेरै उपायहरू पनि प्रयोग गरिन्छन्।
निष्कर्षमा, एटीएमलाई फिल्मजस्तै सजिलै लुट्न सम्भव छैन। बलियो मेटल, अलार्म, जीपीएस, डाइ प्याक्स, क्यामेरा र स्मार्ट सेन्सरहरूले यसलाई प्रायः असम्भव बनाउँछन्। यही कारणले बैंक र सुरक्षा विशेषज्ञहरूले एटीएम टेक्नोलोजीलाई हरेक वर्ष सुधार्दै आएका छन्, तिनीहरूलाई अझ सुरक्षित र स्मार्ट बनाउन।
