विश्वको पहिलो अल्ट्रावाइड ल्यापटप असुस जेनबुक डुओ (२०२४) नेपालमा सार्वजनिक

विश्वको पहिलो अल्ट्रावाइड ल्यापटप असुस जेनबुक डुओ (२०२४) नेपालमा सार्वजनिक गरिएको छ । यो ल्यापटप डुअल डिस्प्लेसँगै डिट्याच गर्न मिल्ने किबोर्डको उपलब्ध हुनेछ ।

तपाईले चाहानु भएको बेला यसको किबोर्ड थप्न र हटाउन सक्नुहुन्छ । यसको सुविधाहरूको बारेमा कुरा गर्दा, यसमा दुईवटा १४ इन्च स्क्रिन छन् । प्रोसेसरका लागि यो ल्यापटपमा इन्टेल कोर अल्ट्रा ९ चिपसेट प्रयोग गरिएको छ ।

यस वर्षको सुरुमा अमेरिकाको लस भेगासमा सिईएस २०२४ कार्यक्रम आयोजना गरिएको थियो, जसमा विश्वभरका धेरै प्रविधि कम्पनीहरूले आफ्ना उत्पादनहरू प्रस्तुत गरेका थिए ।

यसै क्रममा असुसले आफ्नो डबल स्क्रिन ल्यापटप पनि ल्याएको थियो र त्यसबेलादेखि यो ल्यापटपको बारेमा धेरै चर्चा भएको थियो । अब आसुसले यो विशेष ल्यापटप नेपालमा पनि लन्च गरेको छ ।

यो ल्यापटपमा दुईवटा स्क्रिन छन्। दुबैको साइज १४ इन्च र पीक ब्राइटनेस ५०० निट्स छ । पहिलो स्क्रिनको रिजोल्युसन १९२० X१२०० पिक्सेल र रिफ्रेस दर ६० हर्ज रहेको छ । जबकि, दोस्रो स्क्रिनको रिजोल्युसन २८८० X १८०० र रिफ्रेस दर १२० हर्ट्ज छ ।

यी दुवै डिस्प्ले ओएलईडी टचस्क्रिनसँग आउँछन् र यसमा कोर्निङ गोरिल्ला ग्लासको सुरक्षा पनि छ । यसमा रहेको १८० डिग्री मोडले स्क्रीनलाई १८० डिग्री घुमाउन दिन्छ जसले गर्दा मिटिंगहरुम स्क्रीन घुुमाएर केही कुरा प्रस्तुत गर्न सहज हुने गर्दछ ।

प्रोसेसर र ओएस

यस ल्यापटपमा प्रोसेसरका लागिइन्टेल कोर अल्ट्रा ९ १८५एच चिपसेट प्रयोग गरिएको छ । यस ल्यापटपमा, प्रयोगकर्ताहरूले ३२ जीबी एलपीडिडिआरएक्स र्याम र भण्डारणको लागि २ टेराबाईटसम्म स्पेस पाउँछन् । विन्डोज ११ अपरेटिङ सिस्टममा चल्ने यस ल्यापटपमा कम्पनीले एआई सपोर्ट पनि दिएको छ ।

ब्याट्री र जडान

यस डुअल स्क्रिन ल्यापटपको कनेक्टिभिटी र ब्याट्रीको बारेमा कुरा गर्दा, कम्पनीले यसमा ७५ वाटको ब्याट्री दिएको छ, जुन ६५ वाट फास्ट चार्जिङ सपोर्टको साथ आउँछ । यो ल्यापटपको दुवै स्क्रिन प्रयोग गरेपछि पनि प्रयोगकर्ताले कम्तीमा साढे दश घण्टा ब्याट्री ब्याकअप पाउने कम्पनीको दाबी छ ।

कनेक्टिभिटी

कनेक्टिभिटीको बारेमा कुरा गर्दा, यसमा एचडीएमआई पोर्ट, ३.५ न्यायो मिटर अडियो ज्याक, यूएसबी ए ३.२ र दुई ओटा थण्डरबोल्ट छ । यस ल्यापटपमा हारम्यान कारडोन स्पिकरहरू प्रदान गरिएको छ । यो ल्यापटपको तौल १.३५ किलो छ ।

यो ल्यापटप मे २४ देखि नेपाली बजारमा उपलब्ध भएको छ यसको मूल्य ३ लाख ९ हजार ९० रहेको छ ।