आईसीटी समाचार
काठमाडौं । मोबाइलमाण्डुले पुराना स्मार्टफोन तथा व्यक्तिगत प्रविधिजन्य उपकरण साटेर नयाँ उपकरण लिन सकिने ‘मेगा एक्सचेन्ज अफर’ सार्वजनिक गरेको छ ।
कम्पनीका अनुसार भदौ १२ गतेदेखि भदौ २० गतेसम्म सञ्चालन हुने योजनाअन्तर्गत ग्राहकले जुनसुकै ब्रान्डका पुराना स्मार्टफोन एक्सचेन्ज गर्न सक्नेछन् । एक्सचेन्ज गरिएका स्मार्टफोनको मूल्यांकनमा थप १० प्रतिशत मूल्य प्रदान गरिने कम्पनीले जनाएको छ ।
उक्त अफरअन्तर्गत पुरानो स्मार्टफोनसँग नयाँ वा प्रमाणित सेकेन्ड ह्यान्ड स्मार्टफोन साट्न सकिनेछ । नगद तथा ईएमआई दुवै माध्यमबाट खरिद गर्दा अफर लागू हुने जनाइएको छ ।
स्मार्टफोन एक्सचेन्जका लागि ग्राहकले आफूले साट्न लागेको उपकरणको भ्याट बिल वा ओरिजिनल बक्समध्ये कुनै एक ल्याउनुपर्नेछ । एप्पल, सामसुङ, शाओमी, पोको, नथिङ, अनर, एआई प्लस लगायत विभिन्न ब्रान्डका स्मार्टफोन एक्सचेन्जमा सहभागी गराउन सकिने कम्पनीले जनाएको छ ।
स्मार्टफोनबाहेक इयरबड्स, स्मार्टवाच तथा हेडफोनजस्ता व्यक्तिगत प्रविधि उपकरण समेत एक्सचेन्ज गर्न सकिनेछ । यस्ता उपकरणको न्यूनतम मूल्यांकन ५०० रुपैयाँ हुनुपर्नेछ ।
स्मार्टफोन एक्सचेन्ज गर्ने ग्राहकले ‘स्पिन द ह्विल’मा सहभागी हुने अवसर समेत पाउनेछन् । कम्पनीका अनुसार स्पिनबाट मोबाइल स्ट्यान्ड, इयरफोन, नेकब्यान्ड, हेडफोन तथा वायरलेस इयरबड्सलगायतका पुरस्कार जित्न सकिनेछ ।
त्यस्तै, योग्य ग्याजेट एक्सचेन्ज गर्ने ग्राहकलाई बिल्ट-इन कुलर भएको ल्यापटप स्ट्यान्डको गिभअवेमा सहभागी गराइने कम्पनीले जनाएको छ ।
