आईसीटी समाचार
पछिल्लो समय नेपालमा पनि जुमको प्रयोग ह्वातै बढेको छ । वेबिनार, मिटिङ तथा कन्फेरेन्सिङको लागि जुमको प्रयोग हुने गरेको छ ।
जुम बाहेक माइक्रोसफ्ट टिम्स र गूगल मिट लगायतका विकल्पहरु पनि छन् । तर वेबिनारको लागि जुमको प्रयोग धेरैनै भइरहेको छ । जुम निशूल्क तथा सशूल्क भर्सन दुबैमा उपलब्ध रहेको छ ।
जुमले हालै सशूल्क तथा निशूल्क भर्सनमा इन्ड टु इन्ड इन्क्रिप्सन फिचर उपलब्ध गराउने घोषणा गरेको छ । नेपालमा जुमको व्यवसायीक रुपमा जेनश सोलुसनले लाइसेन्स प्रदान गरिरहेको छ ।
जूम मिटिङमा धेरै सुनिएको कुरा हो जुम बम्बिङ । जसले गर्दा कसैले तपाई को स्क्रीन कब्जानमा लिएर गलत काम गर्न सक्छ । त्यसकारण आज हामीले तपाईलाई जुम बम्बिङबाट कसरी बच्ने र कसरी जुमको सुरक्षित प्रयोग गर्ने भनेर जानकारी दिएका छौं ।
जूम एप अपडेट गर्नुहोस
जुम एप अपडेटेड गरिसकेपछि मिटिङ टुलबारमा सेक्युरिटीको नयाँ अप्सन देख्न सकिने छ । त्यसैले जूम एप चेक गर्नुहोस र नयाँ अपडेट डाउनलोड गर्नुहोस ।
कलको लागि युनिक आईडी र पासवर्डको प्रयोग
जुममा नयाँ अकाउन्ट बनाउदा तपाईलाई एक व्यक्तिगत मिडिङ आईडी दिइएको हुन्छ । यो एउटा न्युमेरिक कोड हो जुन मिटिङको लागि अरुलाई दिन सकिन्छ ।
त्यहाँ अर्को अप्सन पनि हुन्छ जसबाट नयाँ युनिक आईडी जेनेरेट गर्न सकिन्छ । तपाईले त्यहाँ पासवर्ड पनि परिवर्तन गर्न सक्नु हुनेछ । एकपटक तपाईले मिटिङको लागि पासवर्ड सेट गर्नभयो भने भविष्यको मिटिङको लागि पनि यसको आवश्यकता पर्दछ ।
वेटिङ रुमको सिर्जना
वेटिङ रुमको सहयोगले होस्टले सहभागीहरुलाई कन्ट्रोल गर्न सक्दछ । वेटिङ रुमको सहयोगले मिटिङमा सहभागीलाई एक एक गरेर वा एकैपटक प्रवेश गराउन सकिने छ ।
होस्टले मात्रै स्क्रीन शेयरको निश्चित गर्ने
जुमब मिटिङमा स्क्रीन हाइज्याक हुन बाट बच्न स्क्रीन शेयर होस्टले मात्रै गर्ने निश्चित गर्नुहोस ।
मिटिङ सुरु भएपछि लक गर्नुहोस
यदि तपाईले मिटिङ सुरु गर्नुभयो र तपाईले अपेक्षा गरेका सबै मिटिङमा जोडिनु भयो भने मिटिङ लक गर्नुहोस । जसबाट पछि आउने नयाँ सहभागीहरु सहभागी हुन् सक्दैन्न ।
सहभागीलाई हटाउन वा होल्डमा राख्न सकिने
जुममा मिटिङमा सहभागी भएकालाई होल्डमा राख्न सकिन्छ । यसबाट सहभागीको अडियो तथा भिडियो होल्डमा राख्न सकिनेछ । त्यस्तै सहभागीलाई मिटिङबाट हटाउनको लागि सहभागीको नाममा माउस ओभर गर्नुहोस । त्यसपछि त्यहाँ रिमुभ अप्सन सँगै अन्य विभिन्न विकल्पहरु देख्न सकिने छ ।
भिडियो डिसेबल गर्नुहोस
जूम मिटिङमा कसैको भिडियो पनि होस्टले बन्द गर्न सक्छन् । जुमको यस सुविधाले होस्टलाई अनावश्यक ध्यान भंग गर्ने वा भिडियो अयोग्य इशाराहरु ब्लक गर्न अनुमति दिनेछ ।
च्याटमा एनिमेटेड गिफ तथा अन्य फाइललाई रोक्ने
जुम मिटिङको च्याट एरियामा सहभागीहरुले शेयर गरेका फाइल, इमेज वा एनिमेटेड गीफलाई पनि रोक्न सकिन्छ ।
च्याट म्यानेज गर्ने
यदि तपाईले मिटिङ होस्ट गर्नु भएको छ र अपरिचित व्यक्तिले व्यक्तिगत च्याट गरेर सताएका छन् भने यो अप्सन तपाईको लागि हुन् सक्छ । यसबाट बच्न तपाईले प्राइभेट च्याटलाई डिसेबल गर्न सक्नु हुनेछ ।
यी यस्ता सुरक्षाका उपायहरू अपनाएर जुम मिटिङ तथा वेबिनारहरू सुरक्षित बनाउन सकिन्छ । योसँगै मिटिङको पासवर्ड सोसियल मिडियाहरूतिर पोस्ट गर्दा गलत मनसाय भएका व्यक्तिहरूले हात पारेर मिटिङ तथा कार्यक्रम बिथोल्ने प्रयास गर्न सक्छन् । माथिका विधिहरू अपनाएर जुम बम्बिङबाट बच्न र मिटिङ सुरक्षित गर्न सकिन्छ ।
