आइसिटी समाचार
इन्टरनेट सेवा प्रदायक कम्पनी क्लासिक टेकले ३०० जना कर्मचारी माग गरेको छ । देशका विभिन्न भूभागमा खटाउने गरी क्लासिक टेकले ३०० कर्मचारी माग गरेको हो ।
कम्पनीले ५० जना कल सेन्टर एजेन्ट, ४० जना क्षेत्रीय बिक्री इन्चार्ज, २०० जना भन्दा बढी क्षेत्रीय बिक्री प्रतिनिधि, प्राविधिक विभाग, फाइबर विभाग लगायतमा ३०० रोजगारी खुलाएको छ ।
योग्यता पुगेका तथा ईच्छुक उम्मेदवारहरुले उल्लिखित पदहरुका लागि आवेदन दिन सक्ने छन् । इच्छुकले [email protected] मा आफ्नो सीभी पठाउन सक्ने छन् भने यहाँ क्लिक गरेर पनि आफुले दरखास्त दिन चाहेको पदमा आवेदन दिन सकिने छ ।
क्लासिक टेकले कोशी प्रदेशको विराटनगर, दुहवी, रङ्गेली, हरिनगरा, देवानगञ्ज, चिम्दी, भुटाहा, इटहरी, तरहरा, धरान, चतरा, केरावारी, लेटाङ, विराटचोक, बिर्तामोड र दमकका लागि कर्मचारी माग गरेको छ ।
यस्तै मधेश प्रदेशको वीरगंज, कलैया, चन्द्रनिगाहापुर, ढल्केवर र लहान तथा वागमती प्रदेशको नयाँ वानेश्वर, गैरीधारा, बालाजु, गोल्फुटार, कलंकी, पेप्सिकोला, डाँछी, चावहिल, नारायणटार , मुलपानी, गोकर्ण, बल्खु, धापासी, ललितपुर (सातदोबाटो), चापागाउँ, ठेचो, थैब, थानकोट, सुर्यविनायक, बनेपा, पनौती, चितवन (भरतपुर, चनौली, टाँडी, गितानगर, पर्सा), हेटौडा (हटिया, पदमपोखरी, वस्तीपुर) मा कर्मचारी माग गरिएको छ ।
साथै गण्डकी प्रदेशको पोखरा, लेखनाथ तथा लुम्बिनी प्रदेशको बुटवल, भलवारी, फर्साटिकर, माणिग्राम, टिकुलीगढ, नयागाउँ, भैरहवा, नेपालगञ्ज र कोहलपुरमा कर्मचारी आवश्यकता भएको कम्पनीले जानकारी दिएको छ ।
कर्मचारीहरुको लागि आकर्षक सेवा सुविधाहरुका साथै अन्य सुविधाहरु जस्तैः सियुजीसिम कार्ड, इन्धन, सामाजिक सुरक्षा कोष जस्ता विभिन्न सुविधा उपलब्ध गराउदै आइरहेको क्लासिक टेकको भनाइ छ ।
