स्नेहा झा
काठमाडौं । काठमाडौंको चाबहिल, चुच्चेपाटीस्थित आदिम नेसनल कलेजले नेपाली उच्च शिक्षाको क्षेत्रमा एउटा फरक पहिचान बनाउँदै गएको छ । तीव्र गतिमा परिवर्तन भइरहेको प्रविधिको युगमा केवल किताबी ज्ञान पर्याप्त हुँदैन भन्ने यथार्थलाई आत्मसात गर्दै यो कलेजले शैक्षिक गुणस्तरसँगै व्यवहारिक सीप, नवप्रवर्तन र करिअर विकासलाई समान प्राथमिकता दिएको छ ।
छ रोपनीभन्दा बढी क्षेत्रफलमा फैलिएको आफ्नै जग्गा, आधुनिक पूर्वाधार र व्यवस्थित शैक्षिक वातावरण यस कलेजका प्रमुख विशेषता हुन् । मन्टेश्वरीदेखि स्नातकोत्तर तहसम्मका कार्यक्रम सञ्चालन गर्ने एक पूर्ण शैक्षिक संस्थाका रूपमा आदिम नेसनल कलेजले विद्यार्थीलाई सुरुदेखि उच्च शिक्षा र पेशागत यात्रासम्म मार्ग दर्शन गर्ने लक्ष्य राखेको छ ।
कलेजका प्रिन्सिपल शंकर प्रसाद शर्माले भने, “आज एआई, च्याटजीपीटी, गुगल र युट्युबमार्फत सूचना सजिलै प्राप्त हुन्छ । त्यसैले हाम्रो काम विद्यार्थीलाई सूचना सुनाउनु मात्र होइन, उनीहरूको क्रियटिभिटी, इनोभेसन र लोजिकल थिङ्किङ विकास गर्नु हो ।”
कलेजको सबैभन्दा बलियो पक्ष यसको दूरदर्शी नेतृत्व र शैक्षिक दर्शन हो । यहाँ प्राज्ञिक व्यक्तित्व र उद्योग क्षेत्रका विज्ञहरूको प्रत्यक्ष संलग्नतामा शैक्षिक गतिविधि सञ्चालन गरिन्छ । कलेजको सोच स्पष्ट छ, विद्यार्थीलाई केवल डिग्रीधारी होइन, बजारको मागअनुसार दक्ष र ‘इन्डस्ट्री रेडी’ बनाउनु । आज एआई, च्याटजीपीटी, गुगल र युट्युबजस्ता प्रविधि सूचनाका माध्यम मात्र होइनन्, सिकाइका शक्तिशाली सहायक पनि हुन् भन्ने मान्यतासहित कलेजले विद्यार्थीको सिर्जनशीलता, नवप्रवर्तन र तार्किक सोच विकासमा विशेष जोड दिएको छ ।
आदिम नेसनल कलेजमा विभिन्न विश्वविद्यालयसँग सम्बन्धन प्राप्त कार्यक्रमहरू सञ्चालन भइरहेका छन् । त्रिभुवन विश्वविद्यालयअन्तर्गत बीसीए, बीबीएस, बीए साइकोलोजी र बीएसडब्लुएजस्ता कार्यक्रमहरू छन् भने सुदूरपश्चिम विश्वविद्यालयअन्तर्गत बीएससी सीएसआईटी, बीबीए र एमबीए कार्यक्रमहरू सञ्चालनमा छन् । साथै, बीई एलएलबी, एमएससी सीएसआईटी र बिटीजस्ता नयाँ कार्यक्रम सुरु गर्ने तयारी पनि भइरहेको छ, जसले कलेजलाई झन् बहुआयामिक बनाएको छ ।
यस कलेजको अर्को उल्लेखनीय पक्ष भनेको कलेजभित्रै स्थापना गरिएका आफ्नै टेक कम्पनीहरू हुन् । ‘कृति माइन्ड टेक्नोलोजी’ र ‘आदिम इनोभेसन’मार्फत विद्यार्थीलाई अध्ययनकै क्रममा वास्तविक कार्य अनुभव प्रदान गरिन्छ । यहाँ विद्यार्थीहरूले फुल-टाइम इन्टर्नसिप गर्दै सफ्टवेयर विकास, प्रोडक्ट डिजाइन र डिजिटल समाधान निर्माणमा काम गर्छन् ।
कलेजकै मार्गदर्शनमा ‘कृतिम गुरु’ नामक अनलाइन लर्निङ प्लेटफर्म र ‘फुटसल बुकिङ’ एप्लिकेसनजस्ता डिजिटल उत्पादनहरू तयार भइसकेका छन् । यस्ता उत्पादनलाई बजारमा लैजाने र त्यसबाट प्राप्त आम्दानी विद्यार्थी र कलेजबीच साझेदारी गर्ने मोडलले विद्यार्थीलाई उद्यमशीलतातर्फ उन्मुख गराएको छ ।
उद्योगसँगको सहकार्य पनि कलेजको अर्को सशक्त पक्ष हो । नेपालका ८० भन्दा बढी टप कर्पोरेट हाउस र आइटी कम्पनीहरूसँगको व्यावसायिक सम्झौताले विद्यार्थीलाई प्रत्यक्ष उद्योगसँग जोडेको छ । उद्योगका विज्ञहरू कलेजमै आएर वर्कशप, ग्रुमिङ सेसन र अन्तर्वार्ता कार्यक्रम सञ्चालन गर्छन् । यसले इन्टर्नसिप र रोजगारीका अवसरलाई कक्षा कोठामै ल्याउने वातावरण निर्माण गरेको छ ।
कलेजले केवल औपचारिक शिक्षामा सीमित नरही विद्यार्थीको सर्वाङ्गीण विकासका लागि विभिन्न अतिरिक्त कार्यक्रमहरू पनि सञ्चालन गर्छ । ७२ घण्टासम्म चल्ने ह्याकाथुन, कोडिङ प्रतियोगिता, एआई र मेसिन लर्निङका नि:शुल्क कक्षा, व्यक्तित्व विकास, सञ्चार सीप र व्यवस्थापनका विद्यार्थीका लागि बैंक तथा कर्पोरेट हाउसमा इन्टर्नसिपजस्ता अवसरले यहाँको शैक्षिक अनुभवलाई अझ समृद्ध बनाएको छ ।
नतिजाका हिसाबले पनि कलेजले सन्तोषजनक मात्र होइन, गर्व गर्न लायक उपलब्धि हासिल गरेको छ । आफ्नो दसौँ ब्याच ग्र्याजुएट गर्दै गर्दा कलेजले परीक्षा नतिजामा १०० प्रतिशत सफलता हासिल गरेको दाबी गरेको छ । यति मात्र होइन, यहाँबाट अध्ययन पूरा गरेका विद्यार्थीहरूका लागि १०० प्रतिशत जब प्लेसमेन्टको दाबी पनि गरिएको छ । यसले कलेजको लक्ष्य स्पष्ट देखाउँछ- विद्यार्थीलाई केवल प्रमाणपत्र होइन, भविष्यमुखी अवसर प्रदान गर्नु ।
भर्ना प्रक्रियाका हिसाबले हाल स्नातक तहको भर्ना खुला छ । साउन महिनाभित्र फारम भर्ने र भदौ १ गतेदेखि कक्षा सुरु गर्ने गरी शैक्षिक क्यालेन्डर तय गरिएको छ । साथै, जेहेन्दार, मेहनती र सिर्जनशील विद्यार्थीका लागि १०० प्रतिशतसम्म छात्रवृत्तिको व्यवस्था पनि गरिएको छ । प्लस टुको नतिजा, सिकाइप्रतिको लगाव र प्रतिबद्धताका आधारमा छात्रवृत्ति प्रदान गरिने भएकाले आर्थिक रूपमा सक्षम नहुने तर प्रतिभाशाली विद्यार्थीका लागि यो कलेज आकर्षक गन्तव्य बन्न सक्छ ।
आजको प्रतिस्पर्धी युगमा कलेज छान्दा केवल घरको नजिक छ कि छैन भन्ने आधार पर्याप्त हुँदैन । इन्टर्नसिप, व्यवहारिक प्रशिक्षण, उद्योगसँगको सम्बन्ध र रोजगारीका सम्भावना जस्ता पक्षहरू पनि उत्तिकै महत्त्वपूर्ण हुन्छन् । यही कारण आदिम नेसनल कलेजले विद्यार्थी र अभिभावकलाई केवल विज्ञापन होइन, गुणस्तरीय शिक्षा र करिअर ग्यारेन्टी खोज्न आग्रह गर्दै आएको छ ।
समग्रमा, आदिम नेसनल कलेज प्रविधि, व्यवहारिक शिक्षा, उद्योगसँगको सहकार्य र उज्ज्वल करिअर निर्माणलाई एउटै थलोमा समेट्ने एक आधुनिक शैक्षिक गन्तव्यका रूपमा उदाउँदै गएको छ । यहाँ अध्ययन गर्नु भनेको केवल कक्षा पूरा गर्नु होइन, भविष्यका लागि सक्षम, आत्मविश्वासी र सीपयुक्त नागरिक बन्ने यात्रा सुरु गर्नु हो ।
