अब स्न्यापच्याटमा पठाएको म्यासेज पनि एडिट गर्न सकिने, एआई रिमाइन्डरको सुविधा थप हुँदै

अब स्न्यापच्याटमा पठाएको म्यासेज पनि एडिट गर्न सकिने भएको छ । पठाएको म्यासेज पनि एडिट गर्न सकिने गरी स्न्याटच्याटले नयाँ फिचर ल्याउने लागेको हो । 

सुरूमा एडिट सुविधा स्न्याच्याट प्लसका सदस्यहरूलाई मात्रै उपलब्ध हुनेछ । त्यसपछि मात्रै अन्य प्रयोगकर्तालाई रोलआउट हुनेछ । 

यो सुविधाबाट म्यासेज पठाएको पाँच मिनेटसम्म मात्रै च्याटलाई एडिट गर्न सकिने छ । एडिट फिचर बाहेक स्न्यापच्याटले एआई रिमाइन्डर, इमोजी रियाक्सन लगायतका सुविधा समेत ल्याउँदैछ ।

 एआई रिमान्डर फिचर अन्तर्गत अब महत्त्वपूर्ण डेडलाइन रिमाइन्डर र काउनडाउन राख्न सकिनेछ । यस्तै एआईको प्रयोग गरेर बिटमोजीका लागि कस्टम क्लोद जेनेरेट गर्न सकिने बताइएको छ । 

साथै च्याटमा इमोजी रिर्‍याक्सन फिचर र आफ्ना साथीहरूसँग आफ्नो लोकेसन शेयर र तुरून्तै रियाक्ट गर्न सकिने छ ।