आईसीटी समाचार
काठमाडौं । गुगलले एन्ड्रोइड १७ को ठूलो अपडेट सार्वजनिक हुनुअघि नै केही नयाँ सुरक्षा तथा उपयोगी सुविधाहरू ल्याएको छ । यीमध्ये ठगीपूर्ण कलहरू पहिचान गर्ने उन्नत प्रणाली, Google Photos मा नयाँ सुधारहरू, Circle to Search को अपडेट तथा Google Play Books मा एआई-आधारित छोटो सारांश सुविधा प्रमुख छन् ।
नयाँ सुविधाअनुसार, कसैले प्रयोगकर्ताको सम्पर्क सूचीमा रहेको व्यक्तिको नाम वा नम्बरको नक्कल गरेर कल गरेमा फोन एपले त्यसबारे चेतावनी दिनेछ । यसका लागि दुवै पक्षले Phone by Google प्रयोग गरिरहेको हुनुपर्छ ।
सुरक्षित डिजिटल प्रमाणीकरण प्रविधिमार्फत कल गर्ने व्यक्तिको पहिचान पुष्टि गरिनेछ । यदि प्रमाणीकरण सफल नभएमा प्रयोगकर्ताले उक्त कल शंकास्पद रहेको जानकारीसहित तुरुन्तै कल अन्त्य गर्न चेतावनी प्राप्त गर्नेछन् ।
यो सुविधा एन्ड्रोइड १२ वा सोभन्दा माथिका संस्करण चल्ने डिभाइसहरूमा उपलब्ध हुनेछ । यसका साथै, गुगलले १३ वर्षमुनिका प्रयोगकर्ताहरूका लागि Personal Safety एप पनि उपलब्ध गराउने योजना बनाएको छ ।
यस एपमार्फत लक स्क्रिनमै स्वास्थ्यसम्बन्धी जानकारी तथा आपतकालीन सम्पर्क विवरण देखाउन सकिनेछ । साथै, कार दुर्घटना पहिचान (Car Crash Detection) जस्ता सुरक्षा सुविधाहरू प्रयोग गर्न पनि सहज हुनेछ ।
