ग्याजेट्स

कोपाइलट कीसहित नेपालमा सार्वजनिक भयो असुसको जेनबुक १४ ल्यापटप, यस्ता छन् विशेषता

आइतबार, १८ चैत, २०८०

नेपाली बजारमा असुसले जेनबुक १४ ल्यापटप उपलब्ध गराएको छ । असुस नेपालले अल्ट्रापोर्टबल र प्रिमियम सुविधासहितको असुस अनल इन वान जेनबुक १४ ल्यापटप ल्याएको हो ।

थ्रीके असुस लुमिना ओएलईडी डिस्प्ले प्रयोग गरिएको यस ल्यापटपमा एआईबाट सञ्चालित एएमडीको राइजेन सेभेन ८८४० एचएस प्रोसेसर प्रयोग गरिएको छ ।

यस्तै यसमा एएमडीको रेडियन ग्राफिक्स रहेको छ भने ग्राहकको अनुभवलाई राम्रो बनाउ फेस लगइन, लाइनर स्पिकर, एर्गोसेन्स किबोर्ड जस्ता सुविधा समेत दिइएको छ ।

यस बाहेक यसमा युएसबी ४, युएसबी ३.२ टाइपी सी, युएसबी ३.२ टाइप ए, एचडीएमआई र अडियो ज्याक पोर्ट रहेको छ । यसले गर्दा प्रयोगकर्ताले डंगोल वा एडप्टर लिनुनपर्ने कम्पनीले जनाएको छ ।

१२० हर्ज डिस्प्ले भएको जेनबुक १४ मा मटेल डिजाइन सुविधा छ । यसमा ७५ वाटको ब्याट्री प्रयोग गरिएको छ । ल्यापटपको तौल १.२ केजी रहेको छ ।

जेनबुक १४ मा ५१२ जीबी स्टोरेज, १६ जीबी र्‍याम र वाईफाई सिक्सई समेत रहेको छ । यसमा डेडिकेटेड कोपाइलट की रहेको छ, जसको मद्द्तले विनाकुनै झण्झट एउटै की प्रेस गरेर विन्डोज ११ को एआई सुविधाहरूको उपयोग गर्न सकिने छ ।

यो ल्यापटपमा भिडियो कन्फेरेन्सिङ अनुभवलाई राम्रो बनाउन एफएचडी आईआर क्यामेरा रहेको छ । यसमा एआई न्वाइज क्यान्सिलेसन, अडियो बुस्टर लगायतको सुविधा छ ।

वातावरणलाई कम असर गर्ने गरी असुस जेनबुक १४ ल्यापटप तयार गरिएको कम्पनीले जानकारी दिएको छ । पोष्ट कन्जुमर रिसाइकल्ड सामग्री प्रयोग गरेर कार्बन फुट प्रिन्टलाई ५० प्रतिशत कम गरिएको छ ।

यसको प्याकेजिङ पनि शतप्रतिशत रिसाइकल रहेको छ । असुस जेनबुक १४ ल्यापटप मार्च ३१ देखि असुसका आधिकारिक डिलरमा उपलब्ध भएको छ ।