आईसीटी समाचार
नागरिक एपमा उपलब्ध भएको ड्राइभिङ लाइसेन्स सेवा हाललाई बन्द गरिएको छ । प्राविधिक र नेटवर्कको समस्याले नागरिक एपमा उपलब्ध भएको ड्राइभिङ लाइसेन्स सेवा हाललाई बन्द गरिएको हो ।
हालका समस्याहरू समाधान गर्न यातायात व्यवस्था विभागसँग सहकार्य गरिरहेको नागरिक एपले जनाएको छ । छिट्टै ड्राइभिङ लाइन्सेन्स सेवा एप उपलब्ध हुने नागरिक एपले बताएको छ ।
नागरिक एपले एन्ड्रोइड एपमा आईतबार ड्राइभिङ लाइसेन्स लिंक गर्न मिल्ने सुविधा ल्याएको थियो । नागरिक एपमा अहिले २५ भन्दा बढी सरकारी सेवाहरू उपलब्ध छन् ।
