काठमाडौं । सामसङ नेपालले मनसुनलाई लक्षित गर्दै आफ्ना टिभी, वाशिङ मेसिन र रेफ्रिजेरेटरमा विशेष अफर सार्वजनिक गरेको छ ।

उपभोक्तालाई प्रिमियम प्रविधि र सुविधासहितका घरायसी उपकरण सहज रूपमा उपलब्ध गराउने उद्देश्यले ल्याइएको अफरअन्तर्गत चुनिएका होम अप्लायन्सेसमा २३ प्रतिशतसम्मको क्यासब्याक उपलब्ध हुने कम्पनीले जनाएको छ ।

अफरअन्तर्गत चुनिएका टिभी मोडल खरिद गर्दा १२ महिनासम्मको नि:शुल्क NetTV Subscription तथा केही मोडलमा नि:शुल्क Soundbar समेत प्राप्त गर्न सकिनेछ ।

टिभीमा २१ प्रतिशतसम्म क्यासब्याक
सामसङका अनुसार NEO QLED टिभीमा ७ प्रतिशतसम्म, Mini LED मा ६ प्रतिशतसम्म, QLED मा १८ प्रतिशतसम्म, UHD मा १२ प्रतिशतसम्म, FHD मा ७ प्रतिशतसम्म र HD टिभीमा २१ प्रतिशतसम्म क्यासब्याक उपलब्ध हुनेछ ।

Mini LED को ८५ इन्च तथा UHD को ७५ इन्च मोडल खरिदमा ४९ हजार ९९९ रुपैयाँ मूल्यको Soundbar नि:शुल्क उपलब्ध हुने कम्पनीले जनाएको छ ।

त्यस्तै, NEO QLED, Mini LED, QLED र UHD टिभीमा १२ महिनासम्मको नि:शुल्क NetTV Subscription तथा FHD र HD मोडलमा ६ महिनासम्मको नि:शुल्क Subscription उपलब्ध हुनेछ ।

वाशिङ मेसिनमा २३ प्रतिशतसम्म क्यासब्याक
सामसङका ९ देखि ११ केजी क्षमताका AI Ecobubble Washer Dryer मा २३ प्रतिशतसम्म तथा ९ देखि १२ केजी क्षमताका AI Ecobubble Front Load वाशिङ मेसिनमा २२ प्रतिशतसम्म क्यासब्याक पाइनेछ ।

त्यस्तै, ८ केजी क्षमताको Fully Automatic Top Load र ७ केजी क्षमताको Semi Automatic Top Load वाशिङ मेसिनमा १२ प्रतिशतसम्म क्यासब्याक उपलब्ध हुनेछ ।

चुनिएका AI Ecobubble Front Load मोडलमा ६ केजी Surf Excel Matic Powder FL तथा Fully Automatic Top Load का चुनिएका मोडलमा १ लिटर Surf Excel Matic समेत नि:शुल्क उपलब्ध हुने कम्पनीले जनाएको छ ।

रेफ्रिजेरेटरमा १७ प्रतिशतसम्म क्यासब्याक
रेफ्रिजेरेटरतर्फ ७०० लिटर क्षमताको Side by Side मोडलमा ११ प्रतिशतसम्म, ३५० देखि ४१९ लिटर क्षमताका 5 in 1 मोडलमा १५ प्रतिशतसम्म, २५३ देखि २७५ लिटर क्षमताका Double Door मोडलमा १७ प्रतिशतसम्म तथा १९२ देखि २३० लिटर क्षमताका Single Door मोडलमा १५ प्रतिशतसम्म क्यासब्याक उपलब्ध हुनेछ ।

२४ महिनासम्मको EMI सुविधा
यसका साथै Hulas Finserve Hire Purchase Ltd. मार्फत सञ्चालित Samsung Insta Finance Service बाट ग्राहकले सामसङका होम अप्लायन्सेस २४ महिनासम्मको EMI योजनामा खरिद गर्न सक्नेछन् ।

पुराना उपकरण अपग्रेड गर्न चाहने ग्राहकले आफ्ना पुराना उपकरण ArkoStore वा नेपालभर रहेका सामसङका अधिकृत रिटेल स्टोरमार्फत एक्सचेन्ज गर्न सक्ने कम्पनीले जनाएको छ ।

कम्पनीका अनुसार यी अफर सीमित अवधिका लागि मात्र लागू हुनेछन् । अफरसम्बन्धी थप जानकारीका लागि ग्राहकले नजिकैको सामसङ अधिकृत स्टोरमा सम्पर्क गर्न सक्नेछन् ।