शुक्रबारदेखि धनगढीमा सुदूरपश्चिम राष्ट्रिय युवा वैज्ञानिक सम्मेलन हुने भएको छ । युवा वैज्ञानिकहरूलाई प्रेरित गर्ने उद्देश्यले असार १५ र १६ गते सुदूरपश्चिम राष्ट्रिय युवा वैज्ञानिक सम्मेलन हुँदैछ ।

राष्ट्रिय युवा परिषद, सुदूरपश्चिम युवा परिषद, रोबोटिक्स एशोसिएसन नेपालको सहकार्यमा सुदूरपश्चिम राष्ट्रिय युवा वैज्ञानिक सम्मेलन हुन लागेको हो ।

२ दिनसम्म चल्ने सम्मेलनमा प्रमुख अतिथिको रूपमा सुदूरपश्चिम प्रदेशका सामाजिक विकास मन्त्री झपट बहादुर साउद, राष्ट्रिय युवा परिषदका उपाध्यक्ष सुरेन्द्र बस्नेत, देशभरका वैज्ञानिक, अनुसन्धानकर्मी, विद्यार्थी, इन्डष्ट्री प्रोफेसनल, नीति निर्माता लगायत सहभागी हुनेछन् ।

सम्मलेनमा मुख्य वक्ताको रूपमा नेपाल विज्ञान तथा प्रविधि प्रज्ञा प्रतिष्ठान (नास्ट) का प्रविधि संकाय प्रमुक रविन्द्र ढकाल रहेका छन् ।

कार्यक्रममा कार्यपत्र प्रस्तुती, प्यानल छलफल, वर्कशप, प्रदर्शनी, परियोजना, इन्नोभेटिभग आईडिया, रोबोटहरूबीच प्रतिस्पर्धा, करियर परामर्श लगायतका गतिविधि हुने आयोजकले जानकारी दिएका छन् ।