सामसङले अब टिभीमा लाइभ ट्रान्सलेट सुविधा ल्याउने भएको छ । सीईएस २०२५ मा फोन र ट्याबलेटमा लोकप्रिय लाइभ ट्रान्सलेट सुविधा टिभीमा पनि ल्याउने घोषणा गरेको हो ।  

लाइभ ट्रान्सलेट सुविधाले प्रयोगकर्ताहरूलाई लाइभ प्रसारणहरूको वास्तविक समयमा अनुवाद प्रदान गर्ने गर्दछ । यो सुविधा सातवटा विभिन्न भाषाहरूमा उपलब्ध हुनेछ । यद्यपि यो प्रकाशनको समयमा कुन भाषाहरूमा काम गर्ने भन्ने स्पष्ट छैन । 

अहिलेको अवस्थामा, यो प्रणालीले प्रसारणमा रहेको क्लोज्ड क्याप्सनलाई अनुवाद गरेर काम गर्छ, प्रत्यक्ष अडियो सुनेर होइन । सामसङको लाइभ ट्रान्सलेट सुविधा सन् २०२४ को सुरुमा ग्यालेक्सी एस २४ को लञ्चसँगै प्रस्तुत गरिएको थियो ।

यो हाल मोबाइलमा १३ वटा विभिन्न भाषाहरूमा काम गर्छ, जुन टिभी संस्करणले लञ्चमा ल्याउने भाषाहरूको झन्डै दोब्बर हो । कम्पनीले एआईमा आधारित भ्वाइस रिमुभल विद अडियो सबटाइटल्स पनि थप्दैछ । यो सुविधा दृष्टिविहीन समुदायलाई केन्द्रित गरेर बनाइएको हो । सामसङका अनुसार अनुसार, यो नयाँ सुविधाले ‘सबटाइटलहरू विश्लेषण गर्ने, आवाज अलग गर्ने र पढ्ने गतिलाई समायोजन गर्नेछ ताकि सहज अनुभव प्रदान गर्न सकियोस् ।

यी दुवै सुविधाहरू २०२५ को टिभी लाइनअपको लागि प्रस्तुत गरिएका छन् । पुराना सेटहरूको लागि कुनै ब्याकवार्ड कम्प्याटिबिलिटी उपलब्ध हुने कि नहुने भन्नेबारे भने अझै केही जानकारी दिइएको छैन ।