आईसीटी समाचार
लिभिङ विथ आइसिटीले गण्डकी प्रदेशको पोखरामा आयोजना गरेको इबिमा ‘स्टार्टअप एण्ड आइडिया फेस्ट २०२२’ शुरू भएको छ । बिहान ११ बजेदेखि शुरू भएको फेष्ट साँझ ५ बजेसम्म सञ्चालन हुनेछ ।
कार्यक्रममा स्थानिय स्टार्टअप तथा विद्यार्थीहरुका इन्नोभेटिभ आइडिया तथा प्रोजेक्टहरुलाई प्रदर्शनीमा राखिएको छ ।
सहभागिहरुले आफ्नो आइडिया वा प्रोजेक्टको बारेमा विज्ञ छनौट समितिसामु प्रस्तुती दिनेछन् । यसैगरी उनीहरुले आइटी क्षेत्रका सफल स्थानिय तथा काठमाडौंका उद्यमीहरुबाट मेन्टरिङ सेसनमा पनि सहभागी हुने अवसर प्राप्त गर्नेछन ।
आज दिउँसो ३ बजे डिजिटल संवाद कार्यक्रम पनि हुँदैछ, जसमा प्रदेश सरकार, स्थानिय सरकार, निजी क्षेत्र र सरोकारवालाहरुको उपस्थितीमा डिजिटल रुपान्तरणमा प्रदेश विषयमा विशेष अन्तकृया हुनेछ ।
आयोजकले हरेक प्रदेशबाट उत्कृष्ट ५ स्टार्टअप तथा आइडिया छनौट गरी काठमाडौंमा विजनेश इन्क्युवेसनमा सहभागि गराउने जनाएको छ । छनौट भएका केहि स्टार्टअपहरुले बैंकले उपलब्ध गराउने सहुलियतपुर्ण ऋण सुविधा र लगानीको लागि अवसर प्राप्त गर्नेछन ।
स्टार्टअपहरुले आवश्यक प्रविधि, कानुनी सहायता र व्यापार प्रवद्धनको लागि निशुल्क परामर्श तथा विभिन्न अवसरहरु प्राप्त गर्ने आयोजकले जानकारी दिएको छ । हरेक प्रदेशका उत्कृस्ट १ स्टार्टअपलाई आइसिटी अवार्ड २०२२ को ग्रान्ड फिनालेमा सम्मान पनि गरिने छ ।
.jpg)
डिजिटल संवाद कार्यक्रममा प्रदेश सरकार, स्थानिय सरकार, सरोकारवाला र नीजि क्षेत्रको उपस्थितीमा विशेष अन्तकृयात्मक छलफल हुनेछ । कार्यक्रममा गण्डकी प्रदेशका कानुन सञ्चार तथा प्रदेश मामिला मन्त्री बिन्दु कुमार थापा लगायत विशिष्ट व्यक्तिहरुको उपस्थिति रहने आयोजक समितिका अध्यक्ष राजन लम्सालले जानकारी दिएका छन् ।
