सामाजिक उत्तरदायित्व अन्तर्गत डिशहोमले विद्यार्थीलाई दियो शैक्षिक सामग्रीसहितको झोला

डिशहोमले सामाजिक उत्तरदायित्व अन्तर्गत पोखराको वालकल्याण आधरभुत विद्यालयका विद्यार्थीहरुलाई शैक्षिक सामग्री सहितको झोला वितरण  गरेको छ ।

११० जना विद्यार्थी रहेको उक्त विद्यालयका विद्यार्थीहरुलाई  डिशहोमका एरिया सेल्स म्यानेजर प्रदिप सुबेदीले शैक्षिक सामग्रीसहितको झोला वितरण गरेका हुन् ।

डिशहोमको उक्त कार्यक्रममा एक्येवाद्दता जनाउँदै नयन वचत तथा ऋण सहकारी सस्थाका अध्यक्ष टिकाराम सापकोटाले सहकारीको तर्फबाट  वाटर डिस्पेन्सर, पानिको जार, डस्टविन , लगायत अन्य सामाग्रीहरु विद्यालयका  प्रधानाध्यापक विष्णुहरि अधिकारीलाई हस्तान्तरण गरेका थिए ।

उक्त कार्यक्रममा विद्यालय व्यवस्थापन समितिका अध्यक्ष विनोद नेपाली, डिसहोमका एरिया सेल्स म्यानेजर प्रदिप सुबेदी, सेल्स अफिसर बिमल मान थापा, खेमराज देवकोटा, सहकारीका प्रतिनिधिहरु, विद्यालयका शिक्षकहरु, अभिभावक र विद्यार्थीहरुको उपस्थित रहेको थियो ।

उक्त कार्यक्रमलाइ सम्वोधन गर्दै डिशहोमका प्रदिप सुबेदीले  डिशहोमले देशैभरि विद्यार्थीहरुको उज्वल भविष्यको लागि निरन्तर उत्तरदायित्व बहन गर्दै आइरहेको जानकारी गराए ।