आईसीटी समाचार
फायरफक्स १०० ले पिक्चर इन पिक्चर भिडियोका लागि सबटाइटल सपोर्ट ल्याएको छ । डेस्कटप ब्राउजरमा अब पिक्चर इन पिक्चर मोड एक्टिभ हुँदा सबटाइटल र क्याप्सन सपोर्ट रहने भएको छ ।
पिआईपी सब्टाइटल सुरुमा युट्युब, नेटफिल्क्स, प्राइभ भिडियो र वेब भिटीटी फरम्याट प्रयोग गर्ने साइटहरुका लागि उपलब्ध हुनेछ । फायरफक्स १०० ले भाषा स्वीच गर्ने फिचरको पनि जाँच गरिरहेको छ ।
प्रयोगकर्ताले फायरफक्स १०० खोलेपछि ब्राउजरले डिभाइसको भाषा र ब्राउजरको भाषा एउटै छ की छैन् भनेर जाँच गर्ने गर्दछ र एउटै नभएमा ब्राउजरमा भएको १०० भन्दा बढि भाषाहरुबाट सेलेक्ट गर्न दिने गर्दछ ।
एन्ड्रोइडका लागि एचटीटीपिएस अन्ली मोड सार्वजनिक भएको थियो । यसले स्वायत्त रुपमा प्रयोगकर्ताको दृढ सेक्युरिटीका लागि एचटीटीपिएस भर्सनसँग कनेक्ट गरिदिने गर्दछ । फायरफक्सले दुवै एन्ड्रोइड र आईओएसका लागि नयाँ वालपेपर पनि ल्याएको छ ।
