आईसीटी समाचार
इन्टरनेट सेवा प्रदायक कम्पनी मिथिला डिजिटल नेपाल प्रालिलाई नेपाल दूरसञ्चार प्राधिकरणले सम्पर्कमा आउन ताकेता गरेको छ । मंगलबार एक सूचना जारी गर्दै प्राधिकरणले ३५ दिनभित्र प्राधिकरणमा सम्पर्क गर्न निर्देशन दिएको हो ।
२०७६ साल वैशाख १६ गते प्राधिकरणबाट इन्टरनेट सेवा प्रदायकको रूपमा अनुमति पाएको मिथिला डिजिटल नेपालले अनुमति पाएको ९० दिन भित्र सेवा सञ्चालनमा नगरेको पाइएपछि गत भदौं ५ प्राधिकरणले स्पष्टिकरण सोधेको थियो ।
उक्त स्पष्टिकरणको कुनै जवाफ नआएपछि प्राधिकरणले पुनः २०७८ मंसिर २६ गते इमेल गरेको थियो । तर सो इमलेको पनि कुनै जवाफ नआएपछि गत पुस २ गत पुनः स्पष्टिकरण पेश गर्न प्राधिकरणले पत्राचार गरेको थियो ।
यसरी प्राधिकरणले पटक पटक ताकेता गर्दा पनि मिथिला डिजिटल नेपालले अहिलेसम्म कुनै स्पष्टिकरण पेश नगरेको र सम्पर्क बिहीन रहेको प्राधिकरणले जानकारी दिएको छ ।
३५ दिनभित्र प्राधिकरणमा पूर्व माग गरिएको स्पष्टिकरणको विषयमा प्रमाणसहित प्राधिकरणले अनुगमन शाखामा सम्पर्क गर्न अनुरोध गरेको छ । यदी सम्पर्कमा नआए कानुन बमोजिम कारवाही अगाडि बढाउने प्राधिकरणले भनाइ छ ।
