आईसीटी समाचार
बाईट केयर टेक्नोलोजीले मेरो कारोबार एपलाई रिब्रान्डिङ गरेको छ । नयाँ सुविधा थप गर्दै कम्पनीले मेरो कारोबार एपलाई कारोबार एपमा रिब्रान्डिङ गरेको हो ।
‘डिजिटल नेपाल, डिजिटल कारोबार’ नारासहित सार्वजनिक भएको कारोबार एप निःशुल्क प्रयोग गर्न सकिन्छ । यसबाट निःशुल्क रूपमा हिसाब किताब लगायत अकाउन्टिङ कामहरू गर्न सकिन्छ ।
एपबाट १ लाख बढी नेपाली व्यवसायहरूलाई डिजिटल बनाउने लक्ष्य लिएको बाईट केयर टेक्नोलोजीका संस्थापक समिर फुँयालले बताए ।
कारोबार एपमा खरिद बिक्रीको रेकर्ड, स्टक म्यानेज, एक्सेलबाट डाटा इम्पोर्ट, एप लक, इनभ्वाइस, पार्टीहरू म्यानेज, आम्दानी र खर्च रेकर्ड लगायतका सुविधा छन् ।
कारोबार एप गूगल प्लेट स्टोर र एप्पल एप स्टोरमा उपलब्ध रहेको छ । हासम्म कारोबार एप २५ हजारभन्दा बढी डाउनलोड भइसकेको छ ।
कारोबार एप अनलाइन र अफलाइन दुवै माध्यमबाट प्रयोग गर्न सकिन्छ । अहिले २४ हजार बढी व्यवसायीले कारोबार एप प्रयोग गरिरहेका छन् ।
