आईसीटी समाचार
जेठ महिनामा ब्रोडब्याण्ड इन्टरनेट विस्तार कुनै पनि प्रगति नभएको देखिएको छ । नेपाल दूरसञ्चार प्राधिकरणले ग्रामीण दूरसञ्चार विकास कोष परिचालन गरी देशका सबै स्थानीय तहमा ब्रोडब्याण्ड इन्टरनेट पुर्याउने परियोजनाको जेठ महिनामा कुनै प्रगति नभएको देखिएको हो ।
प्राधिकरणले सोमबार सार्वजनिक गरेको रिपोर्ट अनुसार जेठ मसान्तसम्म ९९.७९ प्रतिशत काम सम्पन्न भएको छ । गत वैशाखमा पनि यतिनै प्रगति भएको थियो । त्यसअनुसार ब्रोडब्याण्ड परियोजनामा जेठ महिनामा कुनै काम भएको छैन् ।
ब्रोडब्याण्ड इन्टरनेट सबै स्थानीय तहका कार्यालय, स्वास्थ्य संस्था र माध्यमिक विद्यालयमा पुगिसकेको छ । अब ३४ स्थानीय तहका वडा कार्यालयमा मात्रै इन्टरनेट जडान गर्न बाँकी रहेको छ ।
प्राधिकरणले ग्रामिण दूरसञ्चार विकास कोष परिचालन गरेर ब्रोडब्याण्ड इन्टरनेट परियोजनालाई १८ वटा प्याकेजमा विभाजन गरेको थियो । देशभर ब्रोडब्याण्ड इन्टरनेट विस्तारका लागि प्रतिस्पर्धाबाट प्राधिकरणले विभिन्न सेवा प्रदायक छनोट गरेको थियो ।
