शुक्रबार, ३ भदौ, २०७९
Friday, 19 August, 2022

इम्बोस्ड नम्बर प्लेटमा अनिवार्य नेपाली भाषा प्रयोग गर्न नेपाल बार एशोसिएसनको माग

नेपाल बार एशोसिएसनले इम्बोस्ड नम्बर प्लेटमा नेपाली भाषा प्रयोग गर्न सरकारसँग माग गरेको छ । एशोसिएसनले सवारीसाधनको नम्बर प्लेटमा अंग्रेजी भाषा प्रयोग गरिएको भन्दै अनिवार्य नेपाली भाषा (देवनागिरी लिपी) प्रयोग गर्न माग गरेको हो । 

नेपालको संविधानको धारा ६ मा ‘नेपालमा बोलिने सबै मातृ भाषाहरू राष्ट्र भाषा हुन्’ भन्ने व्यवस्था छ । धारा ७ मा ‘देवनागरी लिपिमा लेखिने नेपाली भाषा नेपालको सरकारी कामकाजको भाषा हुनेछ’ भन्ने व्यवस्था छ ।

तसर्थ सवारी तथा यातायात व्यवस्था विभागबाट सवारी साधनको नम्बर प्लेटमा अंग्रेजी भाषाको प्रयोग गरिनु संवैधानिक व्यवस्थाको भावना र मर्म प्रतिकूल रहेको बारको धारणा छ । 

नेपाली नागरिकले सदियौं देखि प्रयोग गर्दै आएको भाषा प्रयोग नगरी अन्य भाषाको प्रयोग गरिनु नेपाली नागरिकको भाषा सम्बन्धि संविधानले प्रत्याभूत गरेको सवैधानिक हकको हनन भएको बारको ठहर छ ।  


 

सम्बन्धित समाचार
धेरै पढिएको