शुक्रबार, ३ भदौ, २०७९
Friday, 19 August, 2022

लुम्बिनी प्राविधिक विश्वविद्यालयको उपकुलपतिमा विनोद ढकाल नियुक्त

लुम्बिनी प्राविधिक विश्वविद्यालयको उपकुलपतिमा विनोद ढकाल नियुक्त भएका छन् । लुम्बिनी प्रदेशको मन्त्रीपरिषद् बैठकले ढकाललाई विश्वविद्यालयको उपकुलपतिमा नियुक्त गर्ने निर्णय गरेको हो । 

उनलाई चार वर्षका लागि नियुक्त गरिएको हो । गणित विषयका प्रोफेसर ढकाल रुपन्देहीको बुटवल उपमहानगरपालिका निवासी हुन् । 

यसअघि लुम्बिनी प्रदेशको शिक्षा विज्ञान युवा तथा खेलकुद मन्त्रालयले उपकुलपतिका लागि आवेदन माग गरेको थियो । 

लुम्बिनी प्रदेश सरकारले आफ्नो पूर्ण स्वामित्वमा सञ्चालन हुने गरी बाँकेमा लुम्बिनी प्राविधिक विश्वविद्यालय स्थापना गर्दैछ । 


 

सम्बन्धित समाचार
धेरै पढिएको