आईसीटी समाचार
सामाजिक सञ्जालमा नक्कली पाश्र्वचित्र बनाई लाईभ स्ट्रिमिङ मार्फत आपत्तिजनकलता प्रदर्शन गरी महिलालाई मानसिक तनाव दिने एकजनालाई साइबर ब्यूरोले पक्राउ गरेको छ ।
सामाजिक सञ्जालबाट मानसिक तनाव, दुःख र हैरानी दिएको आरोपमा कपिलवस्तुको बुद्धभुमी नगरपालिका वडा नं. ०३. टाँकु बस्ने वर्ष २९ को मोहन कुँवरलाई प्रहरीले पक्राउ गरेको हो ।
उनलाई विद्युतीय कारोबार ऐन, २०६३ अन्तर्गतको कसुरमा काठमाडौं जिल्ला अदालतबाट पक्राउ अनुमती लिई ईलाका प्रहरी कार्यालय कपिलवस्तुको सहयोगमा मिति साउन १९ गते गरिएको हो ।
कुँवरलाई पाँच दिन म्याद थप अनुमति लिएर आवश्यक अनुसन्धान कार्य भई रहेको साइबर ब्यूरोले जनाएको छ ।
