आईसीटी समाचार
एबियू एसिया प्यासिफिक रोबोट कन्टेस्ट (एबियु रोबोकन) २०२२ प्रतिस्पर्धामा नेपाली टिम सेमिफाइनलमा प्रवेश गरेको छ । हरेक देशबाट प्रतिनिधि हुने यस रोबोकनमा नेपालबाट त्रिभुवन विश्वविद्यालय आईओई टिमले सहभागिता जनाएको थियो ।
नेपालले विश्वस्टेजमा भारतको टिम इन्डिया यूनिभर्सिटीः निर्मा यूनिभर्सिटी र टिम थाइल्याण्डः नाखोनायोक टेक्निकल कलेजलाई हराउँदै टेबल टप भएर सेमिफाइनलमा प्रवेश गर्न सफल भएको हो । नेपालबाट रहेको प्रतिनिधि टिममा ६ जना सदस्य रहेका छन् ।
त्रिभुवन विश्वविद्यालय आईओइले बनाएको रोबोटले लगोरी नामक गेम खेल्ने गर्दछ, जसलाई लक्कुढाल पनि भनिन्छ । एबियू रोबोकन २०२२ को युट्युबमा लाइभ म्याच पनि भईरहेको छ ।
एबियू रोबोकन सन् २००२ देखि एसिया प्यासिफिक ब्रोडकास्टिगं यूनियनले सञ्चालन गर्दै आएको प्रतिस्पर्धा हो । यस प्रतिस्पर्धाले इन्जियनिरिंग क्षेत्रको र प्रसारण प्रविधिको विकासका लागि काम गर्ने गर्दछ ।
