आईसीटी समाचार
आउँदो भदौ १५ गतेसम्म सातौं आइसिटी अवार्डमा अनलाइन आवेदन दिन सकिने भएको छ । गत साउनदेखि सुरु भएको अवार्डको नोमिनेसन भदौ १५ गतेसम्म खुला हुने भएको हो ।
सूचना तथा सञ्चार प्रविधि क्षेत्रको प्रतिष्ठित अवार्डका रूपमा चिनिएको आइसिटी अवार्डमा आवेदन दिने समय अब केही दिन मात्रै बाँकी रहेको छ । सूचना प्रविधिको क्षेत्रमा काम गरिरहेका व्यक्ति, स्टार्टअप तथा संस्थाहरूले आइसिटी अवार्डमा आवेदन दिन सक्ने छन् ।
यस वर्ष नोमिनेशन विभिन्न १२ विधामा नोमिनेसन खुला गरिएको गरिएको छ । ११ विधाहरूमा क्याटेगोरी स्टार्टअप आइसिटी अवार्ड, प्रडक्ट आइसिटी अवार्ड, राइजिङ स्टार इनोभेसन आइसिटी अवार्ड गरी ३ विधाहरू स्टार्टअप तथा इनोभेसन सम्बन्धित विधाहरू छन् ।
त्यस्तै आइसिटीको क्षेत्रमा विशेष योगदान गरेका व्यत्तिहरूलाई दिइने अवार्डका विधाहरूमा पायोनियर आइसिटी अवार्ड, आन्टरप्रेनर आइसिटी अवार्ड, नेपाली डायस्पोरा आइसिटी अवार्ड र वुमन आइकन आइसिटी अवार्ड रहेका छन् ।
प्रविधिको प्रयोग मार्फत उत्कृष्ट सेवा दिने सरकारी तथा निजी संस्थाहरूलाई प्रदान गरिने अवार्डहरूमा डिजिटल एजुकेशन आइसिटी अवार्ड (पब्लिक सेक्टर), डिजिटल एजुकेशन आइसिटी अवार्ड (प्राइभेट सेक्टर), डिजिटल गभर्नेन्स आइसिटी अवार्ड र डिजिटल सर्भिसेस आइसिटी अवार्ड छन् ।
यो वर्षदेखि आइसिटी अवार्ड साउन एशिया आइसिटी अवार्ड विधा थप गर्दै दक्षिण एशियामा पनि प्रवेश गरेको छ । यसमा सार्कमा आवद्ध रहेका देशहरूले सहभागिता जनाउन सक्नेछन् । यी १२ विधाका लागि ictaward.org मा गएर अनलाइनबाटै आवेदन दिन सकिने छ ।
नेपालको सबैभन्दा प्रतिष्ठित र भब्य अवार्डका बिभिन्न १२ विधाका लागि ictaward.org मा गएर अनलाइनबाटै आवेदन दिन सकिने छ ।
लिभिङ विथ आइसिटीको आयोजना र विभिन्न राष्ट्रिय तथा अन्तर्राष्ट्रिय संस्थाहरूको सहकार्यमा आयोजनामा हुन लागेको आइसिटी अवार्ड सन् २०१६ देखि हरेक वर्ष परिस्कृत र विस्तारित रुपमा आयोजना हुँदै आइरहेको छ ।
आइसिटी अवार्ड २०२२ को ग्राण्ड फिनाले डिसेम्बरमा आयोजना हुनेछ । यो ६ महिनाको समय अवार्डलाई हरेक किसिमले उत्कृष्ट र पारदर्शी बनाउन ५ भन्दा बढी चरणममा उत्कृष्ट छनोट गरिने जानकारी दिएको छ ।
१२ जना विज्ञ जुरी समिति र १३ जना विशिष्ट सल्लाहकार समिति रहेको यस अवार्डमा प्रस्तुतीकरण, स्पिड डेटिङ, पब्लिक भोटिङ लगायत उत्कृष्ट ५ को लागि फिल्ड भिजिट समेत सञ्चालन हुनेछ । यस वर्ष २५ भन्दा बढी जुरी मिटिङ सञ्चालन हुने आयोजकले जानकारी दिएको छ ।
