आईसीटी समाचार
अल्वेज अन डिस्प्ले फिचर सपोर्ट गर्ने आईफोन १४ पहिलो एप्पल डिभाइस हुने भएको छ । यो सुविधा आईफोन १४ र १४ प्रो म्याक्समा उपलब्ध हुने भएको हो ।
हालैमा आईओएस १६ देखि आईफोनमा अल्वेज अन डिस्प्ले फिचर उपलब्ध हुने जानकारी दिइएको छ । कम्पनीले अल्वेज अन डिस्प्ले फिचर भविष्यको आईफोन प्रो मोडेलहरुमा पनि राख्ने जनाएको छ ।
यसले प्रयोगकर्ताहरुलाई पूर्ण रुपमा डिभाइस अन नगरिकनै नोटिफिकेसन हेर्न दिनेछ । यो फिचर धेरै एन्ड्रोइड फोनमा पहिले देखिनै उपलब्ध छ ।
एप्पलले पनि आईफोन १३ मै अल्वेज अन डिस्प्ले फिचर राख्ने योजना बनाएको थियो । त्यो बेला केही कारण सम्भव नभएपछि एप्पलले अब आईफोन १४ मा अल्वेज अन डिस्प्ले फिचर ल्याउने भएको हो ।
