आईसीटी समाचार
नेपालको अग्रणी सूचना प्रविधि कम्पनी इन्फोडेभलपर्सले दशैं तिहारको अवसरमा बोनान्जा अफर ल्याएको छ । यस अफर अन्तर्गत इन्फोडेभलपर्सबाट सफ्टवेयर खरिद गर्दा ३५ प्रतिशत छुट पाइने छ ।
कोर बैंकिङ सिस्टम, मोबाइल बैंकिङ, ट्याबलेट बैंकिङ सिस्टम खरिदमा ३५ प्रतिशत छुट पाइने इन्फोडेभलपर्सले जानकारी दिएको छ ।
कोर बैंकिङ सिस्टमको मूल्य ३ लाख तोकिएको छ भने शाखामा जोड्दा थप ५० हजार र माइग्रेसन गर्दा थप २५ हजार रूपैयाँ लाग्नेछ ।
त्यस्तै मोबाइल बैंकिङको शुल्क ५५ हजार र ट्याबलेट बैंकिङको शुल्क ५० हजार रूपैयाँ तोकिएको छ । माथिको मूल्यमा दशैं तिहारको अवसरमा ३५ प्रतिशत थप छुट पाइने कम्पनीले जनाएको छ ।
यसैगरी ५० हजारमा १०० जीबी क्लाउड स्टोरेज पाइने छ । यसअघि ५० हजारमा १० जीबी मात्रै क्लाउड स्टोरेज उपलब्ध हुने गरेको थियो ।
सफ्टवेयर खरिदका लागि इन्फोडेभलपर्सका शाखा कार्यालय पोखरा, इटहरी तथा च्यानल पार्टनर नारायणी इन्फोसेस वीरगंज र अंकुर इन्फोटेक रूपनदेहीमा पनि सम्पर्क गर्न सकिने छ ।
