सनवे कलेजमा हल्ट प्राइज सुरू हुँदै, भोलिदेखि टिम दर्ता गर्न सकिने

सनवे कलेजमा बिहीबारदेखि औपचारिक रूपमा हल्ट प्राइज सुरू हुने भएको छ । बिहीबार एक कार्यक्रम आयोजना गर्दै कलेजले हल्ट प्राइज सुरू गर्ने तयारी गरेको हो ।

उक्त उद्धाटन कार्यक्रममा कलेजका सबै विद्यार्थी र फ्याकल्टी मेम्बरहरू उपस्थित हुने हल्ट प्राइज सनवेका कलेज निर्देशक उदित कुमार महत्तोले जानकारी दिए ।

उद्घाटन कार्यक्रम बिहान साढे १० बजेदेखि सुरू हुनेछ । बिहीबारदेखि नै टिम दर्ता प्रक्रिया सुरू हुनेछ ।

विद्यार्थीको नोबेल प्राइज भनेर चिनिने हल्ट प्राइज विश्वस्तीय कार्यक्रम हो, जहाँ समसामयिक समस्यालाई समाधान गर्न विद्यार्थीहरूले आफ्ना आईडिया प्रस्तुत गर्छन् ।

यस वर्ष फेसन तथा कपडा उद्योगलाई थप दिगो बनाउनका लागि विद्यार्थीहरूले आफ्ना आईडिया ल्याउनु पर्नेछ । त्यसपछि उत्कृष्ट आईडियालाई क्षेत्रीय र अन्तर्राष्ट्रिय प्रतियोगितामा प्रतिस्पर्धाका लागि पठाइने छ ।