आईसीटी समाचार
हल्ट प्राइज एट आइओइले उद्यमशीलता सिरिजको दोस्रो शत्र आयोजना गर्ने भएको छ । परिकल्पनाको समूह विषयमा उद्यमशीलता टक सिरिजको दोस्रो शत्र सञ्चालन गर्ने भएको हो ।
आगामी शनिबार दिउँसो २ बजेदेखि इन्ट्रान्स क्याफे चाकुपाट ललितपुरमा सुरू हुने यस कार्यक्रममा आफ्नो समूहमा कस्ता कस्ता मानिस राख्ने ? कार्य विभाजन कसरी गर्ने ? कार्यको निगरानी कसरी राख्ने ? लगायतका विषय बारे जानकारी दिइने छ ।
निःशुल्क आयोजना हुने शत्रमा वक्ताको रुपमा अर्बन गर्लका सह–संस्थापक किरण तिम्सिना र ह्याप्पी माइन्ड्सकी संस्थापक श्रेया गिरीको उपस्थिति रहनेछ । छलफलमा सहभागीलाई पुरस्कारको व्यवस्था समेत गरिएको छ ।
किरण तिम्सिनाले वेस्टक्लिफ विश्वविद्यालयबाट टेक र इनोभेसनमा एमबीए गरेका हुन् । अर्कोतर्फ गिरीले लन्डन साउथ बैंक युनिभर्सिटीबाट प्रोजेक्ट म्यानेजमेन्टसँग अन्तर्राष्ट्रिय व्यापार व्यवस्थापनमा एमएससी गरेकी छिन् ।
