आईसीटी समाचार
हल्ट प्राइज एट आइओईले उद्यमशीलता सिरिजको तेस्रो शत्र आयोजना गर्ने भएको छ । क्रियटिङ बिजनेस आइडिया एण्ड डिजाइन थिङकिङ विषयमा टक सिरिजको तेस्रो शत्र सञ्चालन गर्ने भएको हो ।
आगामी शनिबार दिउँसो २ बजेदेखि इन्ट्रान्स क्याफे चाकुपाट ललितपुरमा सुरू हुने यस कार्यक्रममा प्रतिस्पर्धाका लागि विभिन्न आइडियाहरु सिर्जना गर्न र डिजाइनहरुको बारेमा सोच्ने लगायतका विषय बारे जानकारी दिइने छ ।
निःशुल्क आयोजना हुने शत्रमा वक्ताको रुपमा मस्त कलाका संस्थापक निखिल अग्रवाल र अरुन अग्रवाल रहनेछन् । त्यस्तै सो कार्यक्रमको अरु वक्ताको रुपमा वेदको संस्थापक निर्देश द्वा र सहसंस्थापक सुजित पाठक रहेका छन् ।
