चालु आर्थिक वर्षमा देशभरका आधारभूत विद्यालयमा पनि ब्रोडब्याण्ड इन्टरनेट पुग्ने

चालु आर्थिक वर्षमा देशभरका आधारभूत विद्यालयमा पनि ब्रोडब्याण्ड इन्टरनेट पुग्ने भएको छ । बुधबार अन्तर्राष्ट्रिय नारी दिवसको अवसरमा सूचना प्रविधिमा महिला संस्थाले आयोजना गरेको एक कार्यक्रममा बोल्दै दूरसञ्चार प्राधिकरणका अध्यक्ष पुरूषोत्तम खनालले यस्तो जानकारी दिएका हुन् ।

देशभरका स्थानीय तह, वडा कार्यालय, स्वास्थ्य संस्था र माध्यमिक विद्यालयमा ब्रोडब्याण्ड पुगेको जानकारी दिदै खनालले चालु आर्थिक वर्षमा आधारभूत विद्यालयमा पनि इन्टरनेट पुर्‍याउने बताए ।

यसअघि नै यसका लागि आवश्यक पर्ने पूर्वाधार तयार भइसकेकाले जोड्न धेरै समय नलाग्ने खनालको भनाइ छ ।