आइसिटी समाचार
सरकारले ५ वर्षमा सवारी चलक अनुमतिपत्र (ड्राइभिङ लाइसेन्स) नवीकरण गर्नुपर्ने व्यवस्था हटाउन लागेको छ ।
कानुन, न्याय तथा संसदीय मामिला मन्त्रालयले तयार गरेको केही नेपाल ऐनलाई संशोधन गर्न बनेको विधेयकको मस्यौदामा १० वर्षमा ड्राइभिङ लाइसेन्स नवीकरण गर्ने व्यवस्था प्रस्ताव गरिएको छ ।
अहिले प्रत्येक ५-५ वर्षमा ड्राइभिङ लाइसेन्स नवीकरण गर्नुपर्ने व्यवस्था रहेको छ । ५-५ वर्षमा नवीकरण गर्ने प्रक्रिया झन्झटिलो भएको भन्दै सरकारले अहिलेको प्रचलित कानुन नै संशोधन गर्न लागेको हो ।
