आइसिटी समाचार
आजभोलि प्राय सबैको हात हातमा स्मार्टफोन देख्न सकिन्छ । दिनको अधिकांश समय स्मार्टफोन चलाउनमै गइरहेको हुन्छ ।
हरेक साना–ठूला कामका लागि स्मार्टफोन प्रयोग गरिरहेका हुन्छन् । हाम्रा सबै डकुमेन्टदेखि अडियो/भिडियोसम्म सबै मोबाइलमै हुन्छन् ।
त्यसले गर्दा स्मार्टफोनको स्टोरेज पनि फुल भइरहेको हुन्छ । कहिलेकाँही आकस्मिक रूपमा स्टोरेज चाहिन्छ । त्यसकारण आज हामी आफ्नो स्मार्टफोनको स्टोरेज खाली गर्ने केही तरिका जानकारी दिदैछौं ।
क्यास डाटा किन मेटाउनु पर्छ?
जब कुनै स्मार्टफोन प्रयोगकर्ताले पहिलो पटक वेबसाइट वा एप खोल्छन्, वेबसाइट वा एपसँग सम्बन्धित सबै डाटा डिभाइसको स्टोरेजमा भण्डारण हुन्छ ।
यो डाटा क्रमशः यति बढ्दै जान्छ कि स्मार्टफोनको ठूलो हिस्सा ओगटेको छ । यी फाइलहरू क्यास डाटा हुन् । सेटिङहरूमा डाटा खाली गरेर ठाउँ खाली गर्न सकिन्छ ।
ग्यालरी फोटो कसरी क्लियर गर्ने?
ग्यालेरीमा रहेका तस्बिर र भिडियोहरूले पनि धेरै डिभाइस स्टोरेज प्रयोग गर्छन् । यस्तो अवस्थामा ग्यालरीमा यस्ता धेरै तस्विर र भिडियोहरू छन्, जुन कुनै खास कामको हुदैनन् । तपाईं यी तस्वीर र भिडियोहरू मेटाएर स्टोरेज सेभ गर्न सक्नुहुन्छ ।
डाउनलोड गर्ने फाइलहरू व्यवस्थापन गर्न किन महत्त्वपूर्ण छ ?
धेरै पटक प्रयोगकर्ताले आवश्यकताको समयमा इन्टरनेटबाट फाइलहरू डाउनलोड गर्छन् । तर धेरैसमय एकपटकको प्रयोग पछि ती फाइलहरुको खासै महत्व बाँकी रहदैनन् । यस्तो अवस्थामा आवश्यकता पूरा भएपछि पनि यी फाइलहरू डिभाइसमा रहन्छन् ।
हामीले याद गर्दैनौँ तर विस्तारै यी फाइलहरूले डिभाइसको स्टोरेजमा ठूलो भाग ओगट्न थाल्छन् । यस अवस्थामा, तपाईंले समय–समयमा यस्ता फाइलहरू हटाएमा स्टोरेज व्यवस्थित गर्न सकिन्छ ।
चलचित्र र अफलाइन भिडियोहरूको लागि यो काम गर्नुहोस्
कतिपय स्मार्टफोन प्रयोगकर्ताहरू फोनमा चलचित्र हेर्न मन पराउँछन् । यस्तो अवस्थामा चलचित्र जस्ता फाइलहरूले पनि प्रयोगकर्ताको डिभाइसमा रहेको स्टोरेजलाई प्रयोग गरेर काम गर्न थाल्छन् ।
यदि तपाईंले नेटफ्लिक्स, अमेजन प्राइम र अन्य ओटीटी एपका भिडियोहरू डिभाइसमा डाउनलोड गरी राख्नुभयो भने, तिनीहरूलाई हटाएर पनि स्टोरेज बचाउन सकिन्छ ।
