भारतमा उत्पादन बढाउने एप्पलको योजना

विश्वभर लोकप्रिय आइफोन बनाउने अमेरिकी कम्पनी एप्पलले भारतमा उत्पादन बढाउने योजना बनाएको छ ।

कम्पनीले चीनमा रहेको आफ्नो उत्पादनको ठूलो हिस्सा भारतमा सार्ने तयारी गरेको छ । हालै एप्पलले भारतमा दुईवटा रिटेल स्टोर पनि खोलेको छ । यी पसलहरूले राम्रो प्रतिक्रिया पाइरहेका छन् ।

एक मिडिया रिपोर्टका अनुसार एप्पलले देशमा स्मार्टफोनका पार्टपुर्जाको उत्पादन बढाउने योजना पनि बनाएको छ ।

हालै कम्पनीका वरिष्ठ अधिकारीहरूले भारतको अर्थ मन्त्रालयका अधिकारीहरूसँगको बैठकमा आफ्नो योजनाबारे जानकारी गराएका थिए । उक्त बैठकमा सप्लाई चेन बुझ्ने र आइफोनको उत्पादनमा भारतमै बनेका कम्पोनेन्टको बढी प्रयोग गर्ने विषयमा केन्द्रित थियो ।

केन्द्र सरकारले यसका लागि कम्पनीलाई करमा छुट दिन चाहँदैन् । यति हुँदाहुँदै पनि एप्पलले देशमा लगानी बढाउन चासो राखेको छ । एप्पलका ठूलो संख्यामा आपूर्तिकर्ता चीनमा छन् र कम्पनीले चीनमाथिको निर्भरता घटाउने योजना बनाएको छ  ।

एप्पलले सन् २०१७ मा भारतमा आईफोन उत्पादन गर्न थालेको थियो । कम्पनीले देशबाट उत्पादन हुने आइफोनको करिब सात प्रतिशत हिस्सा पाउँछ ।

आगामी वर्षहरूमा यो संख्या द्रुत रूपमा बढ्ने सम्भावना छ । भारतमा इलेक्ट्रोनिक्सको उत्पादन बढाउनका लागि भारत सरकारले उत्पादन–लिङ्क्ड इन्सेन्टिभ (पीएलआई) जस्ता योजनाहरू सुरु गरेको छ । यो योजनाको फाइदा लिन सामसुङ र एप्पल जस्ता ठूला स्मार्टफोन कम्पनीहरूले भारतमा लगानी बढाएका छन् ।

आगामी आईफोन १५ को उत्पादन भारतमा सुरु हुँदैछ । यसले चीनमा एप्पलको मुख्य उत्पादन आधार र भारतमा उत्पादन गर्ने बीचको अन्तरलाई कम गर्नेछ । भारतमा एप्पलका अन्य आपूर्तिकर्ताहरू – पेगाट्रन र विस्ट्रोन – ले पनि आइफोन १५ चाँडै एसेम्बल गर्न थाल्नेछ ।