आइसिटी समाचार
ठूलो रकम खर्च गरेर नयाँ प्रविधि किन्ने तर प्रयोगविहिन अवस्थामा थन्क्याएका धेरै उदाहरण छ । त्यस्तै, एक उदाहरण बनेको छ निर्वाचन आयोगले खरिद गरेको हाई स्पिड डिजिटल कलर प्रिन्टर ।
आयोगले २०७४ मा झन्डै २२ करोडमा किनेका त्यस्ता तीनवटा मेसिन अहिलेसम्म पनि प्रयोगमा आएका छैनन् । प्रयोग गर्न आवश्यक नै छैन भने निर्वाचन आयोगले किन किन्यो भन्ने प्रश्न अहिले उठेको छ ।
उसले हाई स्पिड डिजिटल कलर प्रिन्टर १० करोड ५५ लाख ४० हजार रुपैयाँमा एक थान किनेको थियो । त्यस्तै, ११ करोड २८ लाख मूल्यका २ थान छाड स्पिङ डिजिटल मानोक्रोम खरिद गरेको थियो ।
निर्वाचन आयोगले २१ करोड ८३ लाख ४० हजार रुपैयाँ बराबरका उक्त मेसिन निर्वाचनको लागि भनेर किनेको थियो । संघीय निर्वाचन र २०७६ मा भएको उपनिर्वाचनमा समेत प्रयोग भएका देखिएन ।
उच्च क्षमताका मेसिनहरु खरिद गरेतापनि प्रयोगमा नल्याई बाहिरबाट छपाई गरेको सम्बन्धमा विगतमा पनि महालेखाको प्रतिवेदनमा औंल्याइएको थियो ।
महालेखाकाले मेसिनको उपभोगका अलागि प्रयोग हुने कागज एवं जनशक्तिको व्यवस्थापन गरि मेसिन उपभोगमा ल्याउन दिर्नेशनसमेत दिएको छ ।
