दराजबाट स्मार्टवाच खरिद गर्दा स्मार्टवाच नभएर अर्के वस्तु डेलिभर (भिडियोसहित)

अनलाइन सपिङ कम्पनी दराजबाट स्मार्टवाच किन्दा कवी रमेश सायन ठगीएका छन् । सोमबार साँझ फेसबुकमा एक भिडियो पोष्ट गर्दै सायनले आफु दराजबाट स्मार्टवाच किन्दा ठगीएको बताएका हुन् ।

उनले दराजबाट स्मार्टवाच अर्डर गरेपनि डेलिभरी हुँदा स्मार्टवाच नभएर अर्कै वस्तु डेलिभरी भएको जनाकरी दिएका छन् ।

उनले भिडियोमा भनेका छन्, ‘मैले दराजबाट एउटा स्मार्टवाच मगाएको थिए । म बस्ने बुटवलको होटेलमा स्मार्टवाचको प्याकेट आईपुग्यो । म बिहानै होटेलबाट बाहिर जानुपर्ने थियो । मैले डेलिभरी ब्वाईलाई म बस्ने होटेलमा लगेर दिनुहोस् भने । उहाँले दिनुभयो र होटेल साहुले पैसा दिएर कुरियर रिसिभ गर्नुभएछ ।’

सायन साँझ काम सकेर होटेलमा फर्किए । त्यसपछि उनले प्याकेट खोले । तर प्याकेटमा स्वार्टवाच नभएर अर्के वस्तु थियो ।

पछिल्लो समय दराजले ग्राहकहरू ठगीरहेको घटना बेला बेला आइरहन्छन् । एउटा सामान किन्दा अर्को सामान ल्याइदिएको ग्राहकको गुनासो छ । दराजले छूटका नाममा पनि ग्राहलाई मुर्ख बनाउँदै आएको छ ।

भिडियो पनि हेर्नुहोस्